Posted: 03/07/2012 10:46 AM IST

చంద్రబాబుకు పుత్రోత్సాహం కలిగింది. ఉత్తర ప్రదేశ్ అసెంబ్లీ ఎన్నికల్లో సమాజ్ వాది పార్టీ పూర్తి మెజార్టీతో గెలుపొందిందని టీడీపీ అధినేత చంద్రబాబు అన్నారు. అసెంబ్లీ లాబీలో తనను కలిసిన మీడియా ప్రతినిధులతో మాట్లాడుతూ అక్కడా సైకిలే గెలిచిందని, ఇక్కడ కూడా సైకిలే గెలుస్తుందని ధీమా వ్యక్తం చేశారు. వెంటనే మీడియా ప్రతినిధులు అక్కడ అఖిలేష్, ఇక్కడ లోకేషా అనగానే బాబు ముసి ముసి నవ్వులు నవ్వుతూ అక్కడి నుంచి వెళ్లిపోయారు.
కాంగ్రెస్ పార్టీ తెలంగాణ ఇచ్చినా మాకు ఢోకా లేదు. కాంగ్రెస్ తెలంగాణ ఇవ్వదు. బీజేపీ యూపీలో రాష్ట్ర విభజన వద్దంటారు, ఏపీలో రాష్ట్రా న్ని విభజన చేయాలని అంటారు. యూపీలో మాయావతి రాష్ట్రాన్ని విభజించమంటూ తీర్మానం చేసి పంపారు ఏమైంది. ప్రజలు సుస్థిరమైన పాలన కావాలని కోరుకుంటున్నారు. నమ్మకం ఉండే పార్టీకే ప్రజలు ఓటు వేస్తారు. ప్రజలు లీడర్‌షిప్‌ను చూస్తున్నారు. ఎవరు మంచి పాలన ఇవ్వగరనే విషయం చూస్తున్నారు కానీ, ఇతరత్రా ఏవీ పని చేయవు. యూపీలో కాంగ్రెస్ పార్టీకి ఇన్‌వూఫాస్టక్చర్ లేదు, రాహుల్ కష్టడ్డారు. ప్రియాంక, సోనియాలు తిరిగారు, డబ్బులు ఖర్చు పెట్టారు. మాయావతి డబ్బులు ఖర్చు చేసినా గెలువ లేదు. ములాయం సింగ్ యాదవ్ వద్ద డబ్బులు లేవు, అయినా సమర్థ నాయకత్వం, సుస్ధిర పాలన కావాలని కోరుకున్న ప్రజలు ములాయంసింగ్ యాదవ్‌కు పూర్తి మెజార్టీ ఇచ్చారు. దేశంలో కాంగ్రెస్ పార్టీ దెబ్బతిన్నది, బీజేపీ పికప్ కాలేదు. రాజకీయాలలో కొత్త ట్రెండ్ వస్తుంది. గట్టి నాయకులు మాత్రమే విజయం సాధిస్తున్నారు.