మధుమేహ రోగులకు శుభవార్తను అందించారు వైద్యశాస్త్ర పరిశోధకులు. కరోనా మహమ్మారి బారిన పడిన మధుమేహ వ్యాధిగ్రస్తులు దాని నుంచి బయటపడేందుకు మానసికంగా, శారీరికంగానూ చేసిన పోరాటం వల్లే అనేక మంది బతికి బయటపడగా, కొందరు మాత్రం విజయాన్ని అందుకునే క్రమంలో అసువులు బాసారు. అయితే మధుమేహ వ్యాధిగ్రస్తులలో కరోనా బారిన పడకుండా అడ్డుకట్ట వేసే విషయంలో పరిశోధకులు మరో ముందడుగు వేశారు. క్షయ నివారణకు వాడే బీసీజీ టీకాతో టైప్-1 డయాబెటిస్ రోగుల్లో కొవిడ్ నుంచి దీర్ఘకాల రక్షణ లభిస్తుందని తేల్చారు. మరీ ముఖ్యంగా ఈ వాక్సీన్ తో టైప్ 1 మధుమేహ వ్యాధిగ్రస్తులకు చాలా పెద్ద ఉపశమనం లభించినట్లు అయ్యింది.
టైప్ 2 డయాబిటీస్ ఉన్నవారికి మార్కెట్లో లభిస్తున్న టీకాలు రక్షణగా నిలుస్తుండగా, టైఫ్-1 రోగులకు మాత్రం బిసిజీ టీకా రక్షణ కవచంలా నిలుస్తోంది. అమెరికాలోని మసాచుసెట్స్ జనరల్ ఆసపత్రి పరిశోధకులు జరిపిన అధ్యయనంలో తేలింది. ప్రస్తుతం అందుబాటులో ఉన్న కొవిడ్ టీకాలు వైరస్ నివారణకే పరిమితం అవుతుండగా, బీసీజీ టీకాను పలు మోతాదుల్లో ఇవ్వడం ద్వారా కరోనాతోపాటు వైరస్ వల్ల సంక్రమించే ఇతర అంటువ్యాధులకు చెక్ పడుతుందని తేలింది. 144 మంది టైప్-1 డయాబెటిస్ రోగులపై నిర్వహించిన అధ్యయనంలో ఈ విషయం వెల్లడైంది. ఈ పరిశోధనలో కరోనాపై బీసీజీ టీకా 92 శాతం సామర్థ్యం చూపించింది.
నిజానికి రోగ నిరోధకశక్తి చాలా తక్కువగా ఉండే టైప్-1 మధుమేహ రోగులకు కరోనా సోకితే అది ప్రాణాల మీదకు వస్తుంది. పరిశోధనలో పాల్గొన్న మధుమేహ రోగులకు కరోనా సోకడానికి ముందు బీసీజీ టీకాను మూడు డోసులు ఇవ్వగా, అవి వారికి కరోనా నుంచి రక్షణ కవచంగా నిలిచినట్టు మసాచుసెట్స్ జనరల్ ఆసుపత్రి పరిశోధకుడు డెవిస్ ఫౌస్ట్‌మన్ తెలిపారు. ఈ టీకా వల్ల ప్రతికూల ఫలితాలేమీ కనిపించలేదన్నారు. టీకా ఆలస్యంగా ప్రభావం చూపినా దీర్ఘకాలం రక్షణగా నిలుస్తుందన్నారు. అంతేకాదు, కొవిడ్ కొత్త వేరియంట్లపైనా ఇది ప్రభావం చూపిస్తుందని ఫౌస్ట్‌మన్ తెలిపారు. క్షయ రోగ నివారణలో భాగంగా ప్రపంచవ్యాప్తంగా ప్రతి సంవత్సరం 10 కోట్ల మంది బాలలకు ఈ టీకా ఇస్తున్నారు.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
