కోవాగ్జిన్ బూస్టర్ డోస్ తో డెల్టా, ఒమిక్రాన్ వేరియంట్లు దూరం..

Posted: 06/15/2022 06:09 PM IST

Covaxin booster dose enhances vaccine effectiveness against delta omicron icmr study

కరోనా మహమ్మరి మరోమారు దేశంలో జడలు విప్పుతుందన్న వార్తలు వినబడుతున్నాయి. ఇప్పటివరకు మూడు దశలుగా వచ్చిన కరోనా మహమ్మారి.. ఇక నాలుగో తాకిడి సిద్దమైందన్న అంచనాలు కూడా వెలువడుతున్నాయి. ఈ నేపథ్యంలో వయోవృద్దులు, దీర్ఘకాలిక వ్యాధులతో బాధపడుతున్నవారు కాసింత జాగ్రత్తగా ఉండాల్సిన అవసరం ఉంది. ఈ తరుణంలో కోవాగ్జిన్ బూస్ట‌ర్ డోసుపై ఐసీఎంఆర్ త‌న స్ట‌డీ రిపోర్ట్‌ను వెలువ‌రించింది. ప్రికాష‌న‌రీ డోసు రూపంలో ఇస్తున్న కోవాగ్జిన్ వ్యాక్సిన్ డెల్టా వేరియంట్‌పై పెను ప్ర‌భావాన్ని చూపిస్తున్న‌ట్లు ఐసీఎంఆర్ త‌న స్ట‌డీలో తెలిపింది.

కరోనా డెల్టా వేరియంట్ సహా ఒమిక్రాన్ వేరియంట్ పరిక్రమ వైరస్ ఇన్‌ఫెక్ష‌న్‌ను కోవాగ్జిన్ స‌మ‌ర్థ‌వంతంగా అడ్డుకుంటున్న‌ట్లు ఐసీఎంఆర్‌, ఎన్ఐవీ రిపోర్ట్ పేర్కొన్న‌ది. ఒమిక్రాన్ వేరియంట్లు అయిన బీఏ.1.1, బీఏ.2ల‌ను కూడా కోవాగ్జిన్ బూస్ట‌ర్ డోసు స‌మ‌ర్థ‌వంతంగా నిలువ‌రిస్తున్న‌ట్లు అధ్య‌య‌నంలో తేల్చారు. కోవాక్సిన్‌ని బూస్టర్ డోస్‌గా తీసుకోవడం వల్ల కోవిడ్-19 డెల్టా వేరియంట్‌కు వ్యతిరేకంగా వ్యాక్సిన్ ప్రభావం పెరుగుతుందని.. ఒమిక్రాన్ వేరియంట్‌లు బిఏ.1.1, భిఏ.2 నుంచి రక్షణను అందిస్తుందిని తమ తాజా నివేదికలో ఐసీఎంఆర్ పేర్కోంది.

డెల్టా, ఒమిక్రాన్ వేరియంట్లకు వ్యతిరేకంగా రెండు, మూడు-డోస్ రోగనిరోధకతలను అనుసరించి భారత్ బయోటెక్ రూపోందించిన కోవాక్సిన్ టీకా రక్షిత సమర్థతను అధ్యయనం చేశామని చెప్పింది. అయితే ఎలుకలపై తాము చేసిన సిరియన్ హామ్ స్టర్ మోడల్ అద్యయనాల్లో కోవాగ్జిన్ టీకా బూస్టర్ డోస్ సమర్ధవంతంగా పనిచేస్తున్నట్లు తేలిందని ఐసీఎంఆర్ తమ నివేదికలో పేర్కోంది. వైరస్ ఛాలెంజ్ తర్వాత యాంటీబాడీ ప్రతిస్పందన, క్లినికల్ పరిశీలనలు, వైరల్ లోడ్ తగ్గింపు, ఊపిరితిత్తుల వ్యాధి తీవ్రత గమనించబడ్డాయి. కాగా తమ అధ్యయన ఫలితాలు ప్రచురించబడ్డాయని తెలిపారు.

డెల్టా ఇన్ఫెక్షన్ అధ్యయనంలో, రెండు, మూడు-డోస్ నియమాల మధ్య రక్షిత ప్రతిస్పందనను పోల్చినప్పుడు, రక్షణలో బూస్టర్ డోస్ టీకా ప్రయోజనాన్ని గమనించామన్నారు. సమూహాల మధ్య న్యూట్రలైజింగ్ యాంటీబాడీ స్థాయిలు పోల్చదగినవి అయినప్పటికీ, మూడు మోతాదుల తర్వాత ఊపిరితిత్తుల వ్యాధి తీవ్రత మరింత తగ్గినట్లు తమ అధ్యయనంలో తేలిందని అన్నారు. ఒమిక్రాన్ వేరియంట్‌లకు వ్యతిరేకంగా రక్షిత ప్రతిస్పందనను అంచనా వేసిన రెండవ అధ్యయనంలో, అంటే బిఏ.1, బిఏ.2, మూడు-డోస్ టీకాలను అనుసరించి, తక్కువ వైరస్ షెడ్డింగ్, ఊపిరితిత్తుల వైరల్ లోడ్, ఊపిరితిత్తుల వ్యాధి తీవ్రత రోగనిరోధక సమూహాలతో పోల్చినప్పుడు గమనించబడిందని తెలిపారు.