పైన దగా, కింద దగా, కుడిఎడమల దగా దగా అని ప్రముఖ కవి శ్రీశ్రీ అన్నారు. ఆయనే ఇప్పటి కాలంలో ఉంటే మాత్రం ఇప్పడు జరుగుతున్న స్కామ్ లను, సైబర్ దాడులను చూసి ఏమనేవారో. ఇందుకలదు అందుకలదన్న సందేహము వలదు ఎందెందు వెతికినా సైబర్ నేరగాళ్లు గలరు అని చెప్పకనేచెప్పేవారేమో. సాంకేతిక విప్లవంతో అందుబాటులోకి వచ్చిన ప్రపంచాన్ని నిజానికి శాసిస్తున్నది సైబర్ నేరగాళ్లు మాత్రమే అంటే అతిశయోక్తి కాదేమో. డిజిటలైజేషన్ పేరుతో జరుగుతున్న అభివృద్ది అద్దాల మేడను తలపిస్తోంది.
ఏ చిన్న రాయిముక్క వచ్చి తగిలినా.. లేక ఎవరైనా విసిరినా.. అద్దాల మేడ తునాతునకాలు కావడం ఖాయం. తగు రక్షణ లేని ఫోన్లు, తగు అవగాహన లేని వినియోగదారులు, భద్రత సాఫ్ట్ వేర్ లేని స్మార్ట్ ఫోన్లు కూడా అద్దాల మేడలే. అనుక్షణం ఏదో విధంగా మీ స్మార్ట్ ఫోన్ లోకి చోరబడి మీ రహస్య సమాచారాన్ని తెలుసుకుని మీ బ్యాంకు ఖాతాలను నొక్కేయడానికి ప్రపంచవ్యాప్తంగా కొన్ని కరడు గట్టిన ముఠాలు పనిచేస్తున్నాయి. తాజాగా మరో పంథాలో స్కామర్లు మీ బ్యాంక్ ఖాతాను ఖాళీ చేయడానికి వచ్చేస్తున్నారు తస్మాత్ జాగ్రత్తా.
వాట్సాప్ వాయిస్ నోట్లను వినియోగిస్తున్నట్లు సైబర్ సెక్యూరిటీ నిపుణులు తెలిపారు. కాబట్టి వాట్సాప్ను వినియోగించే సమయంలో జాగ్రత్తగా ఉండాలని హెచ్చరిస్తున్నారు. ఈ కొత్త సమస్య గురించి తెలుసుకుని మీరు కూడా జాగ్రత్త పడండి. సైబర్ సెక్యూరిటీ సంస్థ ఆర్మోర్బ్లాక్స్లోని నిపుణులు ఇటీవలె ఆసక్తికరమైన విషయాన్ని వెల్లడించారు. ప్రైవేట్ వాట్సాప్ వాయిస్ నోట్తో సైబర్ నేరగాళ్లు బ్యాంకు ఖాతాలను ఖాళీ చేస్తున్నారని స్పష్టం చేశారు. వాయిస్ నోట్తో సైబర్ నేరగాళ్లు మాల్వేర్ను పంపిస్తారు. మీరు వాయిస్ నోట్ను క్లిక్ చేయగానే.. అది మిమ్మల్ని వెబ్పేజీకి తీసుకువెళ్తుంది. వెంటనే అది మీ ఫోన్లో మాల్వేర్ను ఇన్స్టాల్ చేస్తుంది.
దీనివల్ల మీ ఆర్థికపరమైన ఆధారాలు బహిర్గతం అవుతాయి. ఈ మెసేజ్ సాధారణంగా 'కొత్త ఇన్కమింగ్ వాయిస్ మెసేజ్' పేరుతోనే ఉంటుంది. ఇప్పటికే 28,000 కంటే ఎక్కువ మంది వాట్సాప్ ఇన్బాక్స్లకు ఇది చేరినట్లు గుర్తించారు. ఆరోగ్య సంరక్షణ, విద్య, రిటైల్ సంస్థలను లక్ష్యంగా ఈ దాడులు జరిగినట్లు పోలీసులు వెల్లడించారు. గూగుల్, మైక్రోసాఫ్ట్ సెక్యూరిటీ ఫిల్టర్లను కూడా ఇవి సులభంగా దాటేస్తున్నాయి. ఈ దాడుల బారిన పడకుండా ఉండడానికి.. మీరు మీ పరికరంలో భద్రతా సాఫ్ట్వేర్ను ఇన్స్టాల్ చేసుకోవచ్చు. అనుమానాస్పద ఇమెయిల్ల పట్ల జాగ్రత్తగా ఉండాలి. తెలియని వ్యక్తులు పంపే సందేశాలను లేదా తెలియని పేర్లతో వచ్చే సందేశాలను తెరవకుండానే బ్లాక్ చేసేయండి.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more