ITEMVIDEOS; మంచు తుఫానులో రెస్టారెంటు ముందు.. మోకాళ్లపై పడి వ్యక్తి ఆవేదన..

Posted: 01/22/2022 02:52 PM IST

Viral video man falls down on knees on seeing restaurant closed during blizzard

వర్షం పడుతున్న సమయంలో ఇంట్లోంచి బయటకు వెళ్లాలంటేనే మనం ఒకటి రెండు సార్లు అలోచిస్తాం. ఎందుకంటే ప్రతీ రోజు వెళ్లే రోడ్డే అయినా.. ఎక్కడ గొతులు పడ్డాయో.. ఎక్కడ నీళ్ల కింద గోతులు వున్నాయో తెలియక ప్రమాదాల బారిన పతడామో అన్ని ఆందోళన కూడా కారణం కావచ్చు. అయితే వర్షం బదులుగా మంచు తుఫాను కురిసే ప్రాంతాల్లో పరిస్థితి ఏలా ఉంటుందో.. ఎందుకంటే కనీసం నీళ్లు ప్రవాహం, సుడులు తిరగడంతో కాస్తా కూస్తో రోడ్డును అంచనా వేసుకుంటూ వెళ్లవచ్చు. కానీ మంచు తుపాను పడితే మంచు కింద గోయ్యి వుందో రోడ్డు వుందో కూడా తెలియదు. మంచు తుఫాను సమయంలో బయటికి వెళ్లాలనే ఆలోచన చాలా మందిని భయపెడుతుంది.

కానీ కెనడాలో ఒక వ్యక్తి మాత్రం మంచు తుపాను కురుస్తున్నా.. లెక్కచేయకుండా బయటకు వెళ్లాడు. అతని అలాంటి కష్టం వచ్చింది. మంచు తుపాను కూడా లెక్కచేయలేని అంత కష్టం ఏమిటా అంటే.. భరించలేని క్షుద్భాదే. ఆకలితో నకనకలాడుతున్న కడుపును కాస్తా కష్టమైనా నింపుకోవాలని భావించాడు. వరసగా గత వారం నుంచి కురుస్తున్న మంచుతుపానుతో ఇంట్లోని సరుకులు నిండుకున్నాయో.. లేక మరేంటో కారణం తెలియాదు కానీ.. ఇంట్లో వంట చేసుకోలేక.. తనకు ఇష్టమైన రెస్టారెంట్‌కు వెళ్లడానికి పెద్ద సాహసయాత్రనే చేపట్టాడు. అయితే తాను ఒకటి తలిస్తే దైవం మరోటి తలచిందన్నట్లు.. అతడు చేసిన సాహనంతో నెటిజనులకు చేరువయ్యాడు. మంచుతుపానులో నడివడంతోనే అతని వీడియో వైరల్ అయ్యిందా.. అని ప్రశ్నిస్తున్నారు కదూ.

కాదండీ.. ఎంతో ఆకలి వేయడంతో అతను స్థానికంగా వుంటే రెస్టారెంటుకు చేరుకున్నాడు. మంచు తుపానులో అడుగులో అడుగు వేసుకుంటూ వచ్చి.. ఇక ఆకలి బాధనైనా తీర్చుకుందామనుకుని రాగా, రెస్టారెంట్ మూసివేసి ఉంది. దీంతో ఇంత సాహసం చేసి వచ్చినా.. దేవుడు తనకు అకలి బాధను మాత్రం తీర్చే మార్గాన్ని చూపించలేదన్నట్లు.. రెస్టారెంట్ కు తాళం వేసివుండటం చూసి గుండె పగిలినంత పనైంది. దీంతో ఒక్కసారిగా తన మోకాళ్లపై కూలబడిపోయాడు. ఇక చేసేది లేక కొద్ది సేపటికి లేచి తన ఆకలి బాధ ఎలా తీరేనో అనుకుంటూ వెనుదిరిగాడు. ఈ క్రమంలో అతడు నిరాశకు గురై తిరుగివెళ్తున్న క్రమంలో తనను తాను బాల్సెన్స్ చేసుకోవడం కూడా కష్టంగా మారింది. ఇందుకు సంబంధించిన వీడియో వైరల్ నెట్టంట్ల వైరల్ అయ్యింది.

ఈ వీడియోను పరిశీలించిన రెస్టారెంట్ యాజమాన్యం.. ఈ ఫూటేజీని నెట్టింట్లో అప్ లోడ్ చేసింది. అంతేకాదు నిరాశగా వెనుదిరిగి వెళ్లిన కస్లమర్ కు రెస్టారెంట్ ఉచిత భోజనం ఇవ్వాలని నిర్ణయించింది. మంచు తుపాను కారణంగా ఫుడ్ డెలివరీ సేవలు గంటల తరబడి మూసివేయబడినందున, స్కార్‌బరోలో ఆకలితో ఉన్న కస్టమర్ ఏదో విధంగా మంచుతో కూడిన వీధిలోంచి నైసీస్ తినుబండారానికి వెళ్లాడు. కరేబియన్ రెస్టారెంట్ షేర్ చేసిన సిసీటీవీ ఫుటేజీలో.. రెస్టారెంట్ వద్దకు చేరుకున్న కస్టమర్.. అది మూతవేయడం చూసి నిరుత్సాహానికి గురైన వ్యక్తి మోకాళ్లపై పడిపోయాడు. దీంతో అతని ఆకలి బాధను అర్థం చేసుకున్న నెటిజనుల నుంచి సానుభూతి విపరీతంగా వ్యక్తమైంది.