గుజరాత్ గ్రామస్థుల అకృత్యం: మైనర్ బాలికకు గుండు గీయించి.. నల్లరంగు రాసి..

Posted: 11/13/2021 04:54 PM IST

Head tonsured face blackened gujarat villagers punish woman for eloping with lover

దేశానికి స్వాత్రంత్యం వచ్చి 70 ఏళ్లు గడుస్తున్నా.. ఇప్పటికీ అనేక ప్రాంతాల్లో అటవిక న్యాయం రాజ్యమేలుతోంది. తప్పు చేసిన వారిపై అనాగరిక చర్యలకు తెగబడుతున్నారు. మరీ ముఖ్యంగా దేశ 70 ఏళ్ల స్వాతంత్ర్యం గురించి అన్ని సమస్యలపై మాట్లాడే ప్రస్తుత ప్రధాని నరేంద్రమోడీ మూడు పర్యాయాలు ఏలిన ఆయన సోంత రాష్ట్రంలోనూ ఈ అటవిక న్యాయం రాజ్యమేలడం చర్యనీయాంశంగా మారింది. ఏకంగా మూడు పర్యాయాలు గుజరాత్ ముఖ్యమంత్రిగా గెలిచి.. 13 ఏళ్ల పాటు గుజరాత్ లో ఏకచక్రాధిపత్యం వహించినా అనాగరిక చర్యలకు అడ్డుకట్ట పడలేదన్న వాదనలు వినిపిస్తున్నాయి.

ఇంతకీ గుజ‌రాత్ లో ఏం జరిగింది.? గుజరాత్ లో ఓ మైనర్ బాలిక.. ఓ యువకుడి పట్ల అకర్షణకు లోనైంది. ఇద్దరు కలసి ఇంట్లో నుంచి వెళ్లిపోయారు. వారిని పట్టుకుని వచ్చిన గ్రామస్థులు తమ గ్రామం పరువు, తమ కుటం పరువు తీసిందని మైనర్ బాలికపై అకృత్యానికి తెగబడ్డారు. అమె జుట్టును కత్తరించేసి.. అమె ముఖానికి నల్లని సిరా రాసి.. గ్రామంలో ఊరేగించారు. ప్రియుడితో పారిపోయింద‌నే ఆగ్ర‌హంతో ఈ దారుణానికి పాల్పడ్డారు. అయితే ఈ అఘాయిత్యాన్ని కొంద‌రు వీడియోలో రికార్డు చేసి సోష‌ల్ మీడియాలో ఆప్ లోడ్ చేయడంతో ఈ వీడియో తెగ వైర‌ల‌వుతోంది.

వివరాల్లోకి వెళ్తే.. గుజరాత్ రాష్ట్రంలోని పటాన్ జిల్లా హరిజ్ గ్రామానికి చెందిన బాలిక ఈ నెలలో తన ప్రియుడితో కలసి గ్రామాన్ని వదిలి పాయిరపోయింది. అయితే వారి జాడను కనుగొన్న గ్రామస్థులు ఈ నెల 10న గ్రామానికి తీసుకువచ్చి దారుణానికి ఒడిగట్టారు. వ‌ది తెగ‌కు చెందిన గిరిజ‌నులు త‌మ క‌ట్టుబాట్ల‌ను యువతి ఉల్లంఘించింద‌నే ఆగ్ర‌హంతో ఈ దాడికి తెగ‌బ‌డ్డారు. త‌న‌ను విడిచిపెట్టాల‌ని.. తెలియక తప్పు చేశానని బాలిక ఎంతగా మెరపెట్టుకున్నా.. అవి చెవిటివాళ్ల ముందు శంఖం ఊదినట్టుగానే మారాయి. అమెను కనుకరించని గ్రామస్థులు.. మరీ ముఖ్యంగా యువకులు అమె ముఖానికి నల్లని సిరా రాసి గ్రామంలో తిప్పి అవమానించారు.

మ‌హిళ చేసిన ప‌నితో త‌మ తెగకు చెడ్డ‌పేరు వ‌చ్చింద‌నే కోపంతో ఆమెను శిక్షించాల‌ని నిర్ణ‌యించుకున్నారు. ఈ ఘ‌ట‌న స‌మాచారం తెలిసిన వెంట‌నే సీనియ‌ర్ అధికారులు రంగంలోకి దిగారు. ప‌టాన్ ఎస్పీ సుప్రీత్ సింగ్ గులాటీ ఘ‌ట‌నా స్ధలానికి చేరుకుని 15 మంది నిందితుల‌ను అదుపులోకి తీసుకున్నారు. వీడియోలో క‌నిపించిన ఐదుగురు వ్య‌క్తుల‌ను పోలీసులు ప్ర‌శ్నిస్తున్నార‌ని ఎస్పీ గులాటీ తెలిపారు. దీంతో పాటు మైనర్ బాలికను ప్రేమ పేరుతో తీసుకెళ్లిన యువకుడిపై కూడా పోస్కో చట్టం కింద కేసేు పెట్టామని, అతిడ్ని కూడా అదుపులోకి తీసుకున్నామని తెలిపారు.