ITEMVIDEOS: వైరల్ వీడియో: సర్పంచ్ భర్త అటవిక న్యాయం.. అదివాసీ మృతి

Posted: 08/30/2021 05:06 PM IST

ఓ గ్రామ సర్పంచ్ భర్త.. తన బంధువుకు వకాల్తా పుచ్చుకుని అమాయక అదివాసి ప్రాణాన్ని బలిగొన్నాడు. ఊరికి పెద్ద కావడంతో తాను చట్టానికి అతీతం అనుకున్నాడో ఏమో తెలియదు కానీ ఏకపక్ష నిర్ణయం తీసుకుని అదివాసి పట్ల అటవిక శిక్షకు పూనుకున్నాడు. అతని కాళ్లను తాడుతో లారీకి కట్టి.. రోడ్డుపై ఈడ్చుకెళ్లారు. ఈ పాశవిక ఘటనలో తీవ్ర గాయాలపాలైన ఆ వ్యక్తి ఆసుపత్రిలో చికిత్స తీసుకుంటూ మరణించాడు. మధ్యప్రదేశ్ లోని నీమూచ్ జిల్లా ఈ ఘటన చోటుచేసుకుంది. కాగా, అమాయక అదివాసి మరణంపై స్పందించిన స్థానిక అధికారులు ఈ ఘటనతో ప్రమేయమున్న ముగ్గురి ఇళ్లను నిబంధనలకు విరుద్దంగా వున్నాయని కూల్చివేసింది.

ఇందుకు సంబంధించిన వీడియో సోషల్ మీడియాలో వైరల్ అయింది. పోలీసులు ఐదుగురు నిందితులను అదుపులోకి తీసుకున్నారు. కన్హయ్య లాల్ భీల్ (45) అనే వ్యక్తి రోడ్డుపై వెళ్తుండగా.. చిత్తర్మల్ గుర్జర్ అనే పాల వ్యాపారి బైకుపై వచ్చి ఢీకొట్టాడు. ఇద్దరూ కిందపడిపోయారు. అయితే, పాలు మొత్తం ఒలిగిపోవడంతో కన్హయ్యపై చిత్తర్మల్ దాడికి దిగాడు. అంతటితో ఆగకుండా తన స్నేహితులతో పాటు గ్రామ సర్పంచ్ భర్త మహింధ్ర గుజ్జర్ ను కూడా పిలిపించి కొట్టించాడు. ఆ తర్వాత బాధితుడి కాలిని తాడుతో ట్రక్కుకు కట్టేసి ఈడ్చుకెళ్లారు. ఒక నిందితుడు అతడి మొహంపై తన్నాడు. బాధతో విలవిల్లాడుతూ అతడు వేడుకున్నా వినలేదు. ఒళ్లంతా రోడ్డుకి రాసుకుపోయి కన్హయ్యకు తీవ్రగాయాలయ్యాయి.

ఆ ఘటనను చూసిన వారు పోలీసులకు సమాచారం అందించారు. అయితే, వారు అక్కడికి వచ్చే లోపు నిందితులు పారిపోయారు. తీవ్రగాయాలపాలైన భీల్ ను జిల్లా ఆసుపత్రికి తరలించగా.. చికిత్స పొందుతూ చనిపోయాడు. 8 మంది ఈ దారుణానికి పాల్పడ్డారని నీమూచ్ జిల్లా ఎస్పీ సూరజ్ కుమార్ వర్మ చెప్పారు. చిత్తర్మల్ తో పాటు మహేంద్ర గుర్జర్, గోపాల్ గుర్జర్, లోకేశ్ బాలాయి, లక్ష్మణ్ గుర్జర్ లను పోలీసులు అదుపులోకి తీసుకున్నారు. కన్హయ్యపై దొంగ అనే ముద్ర వేసేందుకు వారు ప్రయత్నించినట్టు పోలీసులు చెప్పారు. నిందితులపై ఎస్సీ, ఎస్టీ అట్రాసిటీ కింద కేసులు నమోదు చేశారు. కాగా స్థానిక అధికారులు ఎనమిది మందిలో ముగ్గురు నిందితుల ఇళ్లు నిబంధనలకు విరుద్దంగా వున్నాయని వాటిని కూల్చివేశారు.

MP के नीमच ज़िले के सिंगोली थाना क्षेत्र में एक आदिवासी को चोर समझकर भीड़ ने पीटा फिर ट्रक से बाँधकर कई किलो मीटर तक घसीटा, मौत।

वीडियो वायरल होने के बाद 8 के खिलाफ़ FIR किया, 4 गिरफ़्तार।@DGP_MP @SPNEEMUCH@vinodkapri @abhisar_sharma @zoo_bear @TribalArmy @Profdilipmandal pic.twitter.com/kaFhN7R6eV

— काश/if Kakvi (@KashifKakvi) August 28, 2021