నటి పాయల్ రాజ్ పుత్ పై కేసు నమోదు చేసిన పెద్దపల్లి పోలీసులు

Posted: 08/21/2021 10:40 AM IST

Actress payal rajput in trouble for opening peddapalli mall without wearing mask

కరోనా మహమ్మారి నేపథ్యంలో కేంద్ర, రాష్ట్ర ప్రభుత్వాలు జారీ చేసిన కోవిడ్ నిబంధనలను ఉల్లంఘించిన ప్రముఖ సినీనటి పాయల్ రాజ్ పుత్ పై పెద్దపల్లి పోలీస్ స్టేషన్లో కేసు నమోదైంది. సెలబ్రిటీగా కొనసాగుతున్న ఈమె కొవిడ్ మహమ్మారి విజృంభణ నేపథ్యంలో జారీ చేసిన నిబంధనలు ఉల్లంఘించారని అమెపై కేసు నమోదైంది. పెద్దపల్లి జిల్లాలో ఓ ప్రముఖ సంస్థ తరపున అమె హాజరై.. షాపింగ్ మాల్ ప్రారంభించారంటూ పెద్దపల్లి జూనియర్ సివిల్ కోర్టులో ఈ నెల 12న పిటిషన్ దాఖలైంది. పరిశీలించిన జడ్జి కేసు నమోదు చేసి విచారణ జరపాలని పోలీసులను ఆదేశించారు.

వివరాలలోకి వెళితే... రాష్ట్రంలో కోవిడ్ నిబంధనలను అమలులో వున్న తరుణంలో నటి పాయల్ రాజ్ పుత్ వాటిని ఉల్లంఘనకు పాల్పడి. జూలై నెల 11న పెద్దపల్లిలో షాపింగ్ మాల్ ప్రారంభించారు. మాల్ ప్రారంభోత్సవానికి హాజరైన ఆమె కరోనా నిబంధనలు ఏమాత్రం పాటించలేదని పెద్దపల్లి పట్టణానికి చెందిన బొంకూరి సంతోష్ బాబ్జీ తరపున ఆయన న్యాయవాది డొంకెన రవి న్యాయస్థానంలో దాఖలు చేసిన పిర్యదులో పిర్యాదిదారు పేర్కోన్నారు. ఆమెతోపాటు షాపింగ్ మాల్ యాజమాన్యం కూడా మాస్కులు ధరించలేదని పేర్కోన్నారు,

నటి పాయల్ రాజ్ పుత్ ను అహ్వానించిన మాల్ యాజమాన్యం ఈ విషయాన్ని స్థానిక దినపత్రికలతో పాటు ప్రచార సాధనాల ధ్వారా కూడా ప్రచారం చేయించారని, దీంతో అనేక మంది స్థానికులు నటి పాయల్ ను చూసేందుక అధిక సంఖ్యలో వచ్చారని కూడా పిర్యాదులో పేర్కోన్నారు. దీంతో మాల్ ప్రారంభోత్సవం సందర్భంగా భౌతిక దూరాన్ని గాలికి వదిలేశారని పాయల్ రాజ్‌పుత్, షాపింగ్ మాల్ యజమాని వెంకటేశ్వర్లు, ఆయన భార్యపై కోర్టులో పిటిషన్ దాఖలు చేశారు. కొవిడ్ నిబంధనలు ఉల్లంఘించినందుకు 20 రోజుల క్రితమే వారిపై కేసు నమోదు చేసినట్టు పోలీసులు తెలిపారు. అయితే, తాజాగా కోర్టు ఆదేశాలతో విషయం వెలుగులోకి వచ్చింది.