అదృష్టవంతుడు: యూఏఈ లాటరీలో రూ. 20 కోట్లు గెలిచిన భారతీయుడు..!

Posted: 09/05/2020 04:19 PM IST

Indian expat from sharjah wins dh10 million in big ticket raffle draw

యూఏఈలోని భారతీయుడిని అదృష్టం వరించింది. ఏడారి దీవులను నమ్ముకుని ఎందరెందరో భారతీయులు అక్కడికి వెళ్లి తమ ఉపాధిని వెతుక్కుంటారు. అయితే కొందరికి కష్టాలను మిగిల్చిన అవే దీవులు మరికోందరికి మాత్రం అదృష్టవంతులుగా చేస్తున్నాయి. అయితే ఇలా కూడా అదృష్టవంతులు కావచ్చునన్న విషయం కూడా తెలియని ఏడారి దీవుల బాటసారులెందరో వున్నారు. కాగా, అదృష్టవంతుల్ని చేసినా కోట్ల మేర చేసిందే కానీ తక్కువ కాదు. అదేంటీ అంటే అదే అక్కడి బిగ్ టిక్కెల్ రఫ్టేల్ లాటరీ. ఈ టిక్కెట్ లో కోట్లాది రూపాయలు గెలుచుకున్నవారిలో ఎందరో భారతీయులు వున్నారు.

కాగా తాజాగా విడుదల చేసిన లక్కీ లాటరీలో పంజాబ్ కు చెందిన గురుప్రీత్ సింగ్ (35) గెలుచుకున్నాడు. షార్జాలోని ఓ ఐటీ కంపెనీలో మేనేజర్ గా పనిచేస్తున్న గురుప్రీత్ సింగ్ కు భార్య, ఇద్దరు సంతానం, లాటరీ నిర్వాహకులు డ్రా తీసిన వెంటనే అతని పేరు రావడంతో టిక్కెట్ పై వున్న ఫోన్ నెంబరుకు ఫోన్ చేసి గురుప్రీత్ సింగ్ తో మాట్లాడారు. దీంతో ఆయనకు నోట మాటరాలేదని, తనకు ఏకంగా ఇరవై కోట్ల లాటరీ తగిలిందంటే నమ్మలేకపోయానని అన్నాడు. అయితే తనకు లాటరీ తగులుతుందని గానీ, తగిలితే ఏం చేయాలని గానీ ఎప్పుడూ అలోచించలేదని, దీంతో వచ్చిన డబ్బును కూడా ఏం చేయాలో కూడా ప్లాన్ చేసుకోలేదని, అయితే అందులో సింహభాగం మాత్రం సేవింగ్స్ చేస్తామని చెప్పాడు.

తాను ఐదేళ్ల వయస్సులో వుండగా తన తల్లిదండ్రులతో కలసి ఈ దేశానికి వచ్చానని, అయితే అప్పట్నించి ఈ దేశం తనకు అన్ని ఇచ్చిందని.. తాజాగా తన గతిని మార్చేలా ఒక్కసారిగా కోట్ల రూపాయల ధనాన్ని కూడా ఇచ్చిందని అన్నాడు గురుప్రీత్. తాను గత రెండేళ్లుగా బిగ్ టికెట్ లాటరీ కొనుగోలు చేస్తున్నానని, అయితే ఎట్టకేలకు అదృష్టం వరించిందని అన్నారు. ఈ నెల 3న ప్రకటించిన లాటరీ ఫలితాల్లో గురుప్రీత్ జాక్‌పాట్ కొట్టాడు. ఏకంగా 10 మిలియన్ దిర్హామ్స్ (దాదాపు రూ. 19.90 కోట్లు) గెలుచుకున్నాడు. ఈ మేరకు ‘ఖలీజ్ టైమ్స్’ తెలిపింది. అంత పెద్ద మొత్తం తగలడంతో గురుప్రీత్ ఆనందంతో ఉబ్బితబ్బిబ్బవుతున్నాడు.