వరుసగా అరవ రోజు పెరిగిన పెట్రోల్ ధర.. తెలుగు రాష్ట్రాల్లో రూ, 85కు పరుగులు

Posted: 08/20/2020 03:35 PM IST

ఇంధన ధరలు వరుసగా పెరుగుతున్నాయి. అన్ లాక్ వన్ ప్రారంభంతో రెక్కలు వచ్చిన ధరలకు విపక్షాల అందోళన నేపథ్యంలో కాసింత నెమ్మదించాయి, అయితే ప్రస్తుతం మరోమారు ఇంధన ధరలు పెరిగాయి. వరుసగా ఆరో రోజూ పెట్రోల్‌ ధరను పెంచుతూ చమురు సంస్థలు నిర్ణయం తీసుకున్నాయి. గురువారం లీటరు పెట్రోల్‌పై 10 పైసలు పెంచాయి. దీంతో దేశ రాజధాని ఢిల్లీలో లీటరు పెట్రోల్‌ రూ.81.06 కి చేరింది. గత ఐదు రోజుల్లో చమురు సంస్థలు లీటరు పెట్రోలుపై 57 పైసలు పెంచాయి. దీంతో పలు నగరాల్లో పెట్రోల్ ధర ఏకంగా రూ.85ను అందుకునేందుకు పరుగులు తీస్తోంది,

మరోవైపు గత రెండు వారాలుగా డీజిల్‌ ధరలు స్థిరంగా కొనసాగుతుండటం విశేషం. ఢిల్లీలో లీటరు డీజిల్‌ ధర రూ.73.62గా ఉంది. పలు నగరాల్లో డీజిల్ ధర ఏకంగా రూ.82 దాటింది. అంతర్జాతీయంగా పెట్రోల్‌ ధరలు పెరుగుతుండటం.. బ్యారెల్‌ ముడి చమురు ధర 45 డాలర్లు దాటడం వల్ల దేశీయ చమురు సంస్థలు ధరల్లో సవరణలు చేసినట్లు తెలుస్తోంది. తాజాగా దేశవ్యాప్తంగా మెట్రో నగరాలతో పాటు తెలుగు రాష్ట్రాల్లో ఇంధన ధరలు ఎలా వున్నాయంటే...

ఢిల్లీలో లీటరు పెట్రోల్ ధర 81.00గా నమోదు కాగా, లీటరు డీజిల్ ధర రూ. 73.56కు చేరింది.

ముంబైలో లీటరు పెట్రోల్ ధర 87.68గా నమోదు కాగా, లీటరు డీజిల్ ధర రూ. 80.11కు చేరింది.

చెన్నైలో లీటరు పెట్రోల్ ధర 84.09గా నమోదు కాగా, లీటరు డీజిల్ ధర రూ. 78.86కు చేరింది.

కొల్ కతాలో లీటరు పెట్రోల్ ధర 82.53గా నమోదు కాగా, లీటరు డీజిల్ ధర రూ. 77.06కు చేరింది.

ఏపీలో లీటరు పెట్రోల్ ధర 76.07గా నమోదు కాగా, లీటరు డీజిల్ ధర రూ. 70.67కు చేరింది.

విశాఖపట్నంలో లీటరు పెట్రోల్ ధర 84.43గా నమోదు కాగా, లీటరు డీజిల్ ధర రూ. 80.10కు చేరింది.

హైదారాబాద్ లో లీటరు పెట్రోల్ ధర 84.18గా నమోదు కాగా, లీటరు డీజిల్ ధర రూ. 80.17కు చేరింది.

దేశంలోని భూపాల్, అహ్మదాబాద్, నాగ్ పూర్, నాసిక్, ఇండోర్, జైపూర్ నగరాల్లో లీటరు పెట్రోల్ ధర ఏకంగా రూ.90 మార్కుకు చేరువలో వుంది. అదే విధంగా ఔరంగాబాద్, భూపాల్, భువనేశ్వర్, గువహటి, హైదారబాద్, ఇండోర్, ముంబై, నాగ్ పూర్, థానే, విశాఖపట్నం నగరాల్లో డీజిల్ ధర లీటరుకు ఎనబై రూపాయలు దాటగా, జైపూర్ లో మాత్రం ఏకంగా రూ.82 దాటింది.