ఆవర్తనం ప్రభావంతో.. ఇవాళ, రేపు భారీ వర్ష సూచన

Posted: 07/13/2020 01:44 PM IST

Weather alert rain to lash over telangana in next 48 hours

(Image source from: Ntnews.com)

నైరుతి రుతుపవనాల ప్రభావంతో తెలుగు రాష్ట్రాల్లో ఓ మోస్తారు నుంచి భారీ వర్షాలు కురిసే అవకాశాలు వున్నాయని వాతావరణ కేంద్రం తెలిపింది. ఇవాళ, రేపు (మంగళవారం) రాష్ట్రంలోని పలుచోట్ల తేలిక పాటి వర్షాల నుంచి ఓ మోస్తరు వర్షాలు కురిసే అవకాశం ఉందని హైదరాబాద్‌ వాతావరణ కేంద్రం అధికారి రాజారావు తెలిపారు. ప్రధానంగా ఆదిలాబాద్‌, నిర్మల్‌, నిజామాబాద్‌, కుమ్రం భీం ఆసిఫాబాద్‌, మంచిర్యాల, జగిత్యాల, కరీంనగర్‌, పెద్దపల్లి, జయశంకర్‌ భూపాలపల్లి, ములుగు, వరంగల్‌ అర్బన్‌, వరంగల్‌ రూరల్‌, మహబూబాబాద్‌, భద్రాద్రి కొత్తగూడెం, ఖమ్మం జిల్లాల్లో ఒకటిరెండు చోట్ల భారీ వర్షాలు కురిసే అవకాశం ఉందని తెలిపారు.

ఈ ప్రాంతాల్లో ఓ మోస్తారు వర్షాలు కూడా పడే అవకాశాలు వున్నందున ప్రజలు అప్రమత్తంగా వుండాలని సూచించారు. ఇక దీంతో పాటు రాగల రెండ్రోజులు గ్రేటర్‌ హైదరాబాద్ లోని పలుచోట్ల ఓ మోస్తరు నుంచి భారీ వర్షాలు కురిసే అవకాశం ఉందని పేర్కొన్నారు. దేశంలో నైరుతి పవనాలు చరుగ్గా కదులుతున్నాయి ఇప్పటికే ఇవి దేశవ్యాప్తంగా విస్తరించబడ్డాయని అన్నారు. నైరుతి రుతుపవనాల ప్రభావంతో తెలుగు రాష్ట్రాలతో పాటు దేశవ్యాప్తంగా వర్షాలు కురిసే అవాకశాలు ఉన్నాయి. బంగాళాఖాతంలో పలు ప్రాంతాల్లో రుతుపవనాలు విస్తరించాయి.

ఆగ్నేయ ఉత్తర్ ప్రదేశ్ నుంచి దక్షిణ ఛత్తీస్ గడ్ వరకూ ఉత్తర్-దక్షిణ ఉపరితల ఆవర్తనం కొనసాగుతోందని హైదరాబాద్ లోని వాతావరణ శాఖ తెలిపింది. దీని ప్రభావంతో రాష్ట్రంలోని పలు ప్రాంతాల్లో భారీ వర్షాలు కూడా కురిసే అవకాశాలు వున్నాయని తెలిపింది. ఇక వర్షకాలంలో వచ్చే సీజనల్ వ్యాధులకు తోడు కరోనా మహమ్మారి కూడా విజృంభిస్తున్న తరుణంలో ప్రజలు తమ అరోగ్యాలను సురక్షింగా ఉండేందుకు చర్యలు తీసుకోవాలని కూడా వైద్యాధికారులు సూచిస్తున్నారు.