ఏపీలో 2400 మార్కు దాటిన కరోనాకేసులు.. గడిచిన 24 గంటల్లో 68 కేసులు..

Posted: 05/20/2020 12:58 PM IST

Coronavirus in ap 68 new covid 19 cases state tally reaches 2407 death toll at 53

ఆంధ్రప్రదేశ్ రాష్ట్రంలో కరోనా వైరస్ విజృంభన మళ్లీ పెరుగుతోంది. రాష్ట్ర వాసుల్ని హడలెత్తిస్తోన కరోనా మహమ్మారి.. గత రెండు రోజులుగా తన వేగాన్ని మళ్లీ పెంచుకుంది. తాజాగా రాష్ట్రంలో యాభై మార్కుకు పైబడి కరోనా కేసులు నమోదు కావడం అందోళన రేకెత్తిస్తోంది. ప్రభుత్వం కంటైన్మెంట్ జోన్లను ఏర్పాటు చేసి కఠినచర్యలు తీసుకుంటూ.. కరోనావైరస్ వ్యాప్తిని నియంత్రించేందుకు మిషన్ కార్యక్రమాలు చేపట్టినా వైరస్ తన ప్రభావాన్ని ఏమాత్రం తగ్గుముఖం పట్టడం లేదు. గడిచిన 24 గంటల వ్యవధిలో 68 కేసులు నమోదు కావడం అందోళన రేకెత్తిస్తోంది.

తాజాగా నమోదైన 67 పాజిటివ్ కేసులతో కలిపి రాష్ట్రంలో కరోనా కేసుల సంఖ్య 2400 మార్కును దాటింది. ఈ మేరకు భారత వైద్యఆరోగ్య శాఖ తాజా బులిటెన్లో వివరాలను పేర్కోంది. తాజా గణంకాలతో కలిపి రాష్ట్రంలో కొవిడ్‌ కేసుల సంఖ్య 2407కి చేరింది. కాగా రాష్ట్రంలో తాజాగా నమోదైన కరోనా మరణంతో మరణాల సంఖ్య కూడా 53కు చేరింది. అయితే తమిళనాడులోని కోయంబేడు మార్కెట్కు వెళ్లి వచ్చిన వారితోనే ఇవాళ కేసులన్నీ నమోదు అయ్యాయని వైద్యాధికారులు వెల్లడించారు. ఈ మార్కెట్ కు చిత్తూరు, నెల్లూరు, తూర్పుగోదావరివాసులు వెళ్లడంతో అక్కడే ఎక్కువగా కేసులు నమదయ్యాయి.

రాష్ట్రంలో కర్నూలు, గుంటూరు, కృష్ణా జిల్లాలు కరోనావైరస్ వ్యాప్తికి హాట్ స్పాట్లుగా వున్నాయి. నిన్నటివరకు మొత్తం 52 మరణాలు సంభవించగా, ఇవాళ మరో తాజా మరణంతో ఈ సంఖ్య 53కు చేరింది. రాష్ట్రంలో మరణాల సంఖ్య కూడా అంతకంతకూ పెరుతున్న నేపథ్యంలో రాష్ట్రవాసులు అందోళన చెందుతున్నారు. రాష్ట్రంలో కరోనా బారిన పడి కోలుకుని డిశ్చార్జ్ అయిన వారి సంఖ్య 1639కి చేరగా, 715 మంది కరోనావైరస్ గ్రస్థులు రాష్ట్రంలోని వివిధ అసుపత్రులలో చికిత్స పోందున్నారు, తాజాగా నమోదైన కేసుల్లో చిత్తూరులో 6, నెల్లూరులో 4 కేసులు తమిళనాడులోని కోయంబేడు మార్కెట్‌ నుంచి వచ్చిన వారివేనని అధికారులు తెలిపారు.