విద్యార్థినుల లోదుస్తుల ఘటనలో.. యాజమాన్య చర్యల సమర్థన.?

Posted: 02/19/2020 11:37 AM IST

మూఢాచారాలు, సంప్రదాయం పేరుతో గుజరాత్ లోని ఓ కళాశాల యాజమాన్యం విద్యార్థులపై జరిపిన అమానుష చర్యలను నిసిగ్గుగా సమర్థించుకుంటోంది. ఇందుకు ఓ స్వామీజీ గతంలో చేప్పిన విషయాలను వీడియో రూపంలో తెరపైకి తీసుకువచ్చింది. తాము చేసిన దాంట్లో ఎలాంటి తప్పులు లేవని అనాధిగా వస్తున్న అచారాలనే తాము ఫాలో అవుతున్నామని తమ చర్యలను సమర్థించుకుంది. ఇప్పటికే విద్యార్థినులను శారీరికంగా, మానసింకంగా కుంగదీసి అవమానించారన్న పిర్యాదులపై కాలేజీ ప్రిన్సిపాల్, కోఆర్డినేటర్ సహా మరో ఇద్దరిపై పోలీసులు కేసు నమోదు చేశారు.

విద్యార్థినుల రుతుస్రావంపై పరీక్షించడంతో సర్వత్రా విమర్శలు వ్యక్తకావడంతో.. తాము చేసిన దాంట్లో తప్పు లేదని యాజమాన్యం ఓ వీడియోను తెరపైకి తీసుకువచ్చింది. ఈ వీడియోలో స్వామి కృష్ణస్వరూప్ దాస్ జీ చెప్పిన మాటలు వున్నాయి. ఇక్కడ చెప్పుకోవాల్సిన మరో విషయం ఏంటంటే ఆయన ఆధ్వర్యంలో స్వామినారాయణన్ మందిరం కూడా వుంది. ఈ మందిరం ఆధ్వర్యంలోనే సహజానంద గాల్స్ ఇనిస్టిట్యూట్ నిర్వహిస్తున్నారు. దీంతో ఆయన కూడా తమ యాజమాన్య సిబ్బందికి మద్దతుగానే ఈ వ్యాఖ్యలు చేశారా.? అన్న సందేహాలు తెరపైకి వస్తున్నాయి. ఇంతకీ ఆయన ఏం అన్నారంటే..

‘‘మన శాస్త్రాలలో వున్నదే చెబుతున్నాను.. నా అభిప్రాయాలు నచ్చినా, నచ్చకపోయినా నేను పట్టించుకోబోను.. పురుషులు వంట నేర్చుకోవాలి.. నెలసరి (రుతుస్రవం) సమయంలో భర్తలకు వంట చేసి పెట్టే భార్యలు మరుజన్మలో ఆడకుక్కలుగా, ఆ వంట తిన్న పురుషులు వచ్చే జన్మలో ఎద్దులుగా పుడతారు.. ఇది నేను చెప్పడం లేదు.. మన శాస్త్రాలలో వుంది‘ అని చెప్పారు. అయితే ఈ వ్యాఖ్యలను ఆయన కాలేజీ యాజమాన్య చర్యలను సమర్థించేందుకే చేశారన్న విమర్శలు కూడా వినిపిస్తున్నాయి.

రుతుస్రావం సమయంలో వంటగదిలోకి రావడంతో పాటు ఇతర విద్యార్థినులతో పాటు కలసి బోజనం చేస్తున్నారని.. దీనికి తోడు అక్కడి దేవాలయాల్లోకి కూడా ప్రవేశించి సుచీ, శుభ్రం లేకుండా, మడీ, అచారాలను మంటగలుపుతున్నారన్న హాస్టల్ వార్డెన్ పిర్యాదుతో ప్రిన్సిఫల్ హాస్టల్ లోని 68 మంది విద్యార్థినులను లోదుస్తులు విప్పించి పరీక్షించడం. వారిపై అమానుష చర్యలకు పాల్పడిందని పోలీసులు కేసు నమోదు చేసిన తరువాత కూడా తమ వ్యాఖ్యలను సమర్థించుకుంటూ కాలేజీ యాజమాన్యం స్వామీజీ విడియోను తెరపైకి తీసుకువచ్చి.. మరీ ప్రచారం చేస్తున్నారు.