కన్నకూతుర్ని చెరచిన మృగానికి ఐదేళ్ల జైలు..

Posted: 08/24/2019 11:56 AM IST

Man gets five years jail for seuxally assulting his own daughter

తన కన్నవారిని కంటికి రెప్పలా కాపాడాల్సిన తండ్రే.. కామాంధుడిగా మారి కన్నకూతురిని లైంగికంగా వేధించడంతో ఆ ఫైశాచిక మృగానికి ఎల్బి నగర్ న్యాయస్థానం ఐదేళ్ల జైలు శిక్షతో పాటు రూ.5 వేల జరిమానా విధిస్తూ తీర్పును వెలువరించింది. వివరాల్లోకి వెళితే ఆల్వాల్ పోలీస్ స్టేషన్ పరిధిలో నివసిస్తున్న లింగం కుమార్ కు ఒ కొడుకు, ఓ కుతూరు వున్నారు. ఆయన భార్య పదేళ్ల క్రితం మరణించడంతో పదేళ్ల కూతురు, కుమారుడితో కలిసి అదే ప్రాంతంలో జీవిస్తున్నాడు.

అయితే పశువాంఛతో రెండేళ్ల నుంచి కూతురిని లైంగికంగా వేధిస్తున్నాడు. తన తండ్రే కదా అని చనువుగా వున్న తన కూతురిపై దారుణంగా వ్యవహరించాడు. దీనిని గమనించిన అమె తన తండ్రికి దూరంగా వుండటం ప్రారంభించింది. అయితే ఎవరూ లేని సమయంలో అమెపై చేయిచేసుకుని మరీ అఘాయిత్యానికి పాల్పడ్డారు. ఇలా నెల రోజుల పాటు అమెపై అత్యాచారానికి పాల్పడటంతో.. తన తండ్రి అఘాయిత్యాలను భరించలేక బాలిక వారి బంధువుల ఇంటికి వెళ్లి అక్కడే ఉంటోంది.

రాఖీ పండగకు సోదరుడికి రాఖీ కట్టేందుకు రాగా లింగం కుమార్ మరోసారి కూతురితో అసభ్యంగా ప్రవర్తించాడు. తిరిగి వెళ్లిన తర్వాత బాలిక తను చదువుకుంటున్న పాఠశాల ఉపాధ్యాయురాలికి చెప్పడంతో ఆమె డిసిపియూ వారి దృష్టికి తీసుకువెళ్లింది. కాగా ఈ ఘటనతో బాలిక జూలై 12, 2014న పోలీసులకు ఫిర్యాదు చేసింది. కేసు నమోదు చేసుకున్న పోలీసులు విచారణ చేసి నిజాన్ని నిగ్గు తేల్చారు. కోర్టులో ఛార్జ్ షీట్ వేయగా తుది సాక్ష్యాధారాల ఆధారంగా కోర్టు నిందితుడికి ఐదేళ్ల జైలు, 5,000 రూపాయల జరిమానా విధించింది.