athlete survives abduction, convinces man to free her నగ్నంగా మార్చి అధ్లెట్ ను హింసించిన కిడ్నాపర్

Austria woman survives abduction convinces man to free her

Nathalie Birli, cycling champion, kidnap, abducted, naked, Austria. Austrian media, Kronen Zeitung, Facebook

A TRIATHLETE who was kidnapped and forced into a van, then driven to a rundown house on the outskirts of town, complimented her abductor’s orchids in a bid for freedom.

నగ్నంగా మార్చి అధ్లెట్ ను హింసించిన కిడ్నాపర్

Posted: 07/29/2019 06:09 PM IST
Austria woman survives abduction convinces man to free her

తనను కిడ్నాప్ చేసి, దారుణంగా హింసించడంతో పాటు, నగ్నంగా కట్టేసి, చంపేందుకు ప్రయత్నించిన కీచకుడి బారి నుంచి క్షేమంగా బయటపడిందో ఆస్ట్రేలియా అథ్లెట్. సినీ పక్కీలో జరిగిన ఈ ఘటనకు సంబంధించిన మరిన్ని వివరాల్లోకి వెళితే, ఆస్ట్రియాకు చెందిన ట్రయాథ్లెట్ నటాలీ బిర్లీ, ఎప్పటిలానే సైకిల్ పై ప్రాక్టీస్ చేస్తుండగా, వెనుక నుంచి వచ్చిన ఓ కారు ఢీకొట్టింది. ఆపై ఆమె తలపై మోదిన ఆగంతకుడు, ఆమెను ఎత్తి తన కారు వెనుక సీట్లో వుంచి, తీసుకెళ్లిపోయాడు.

కాసేపటి తరువాత నటాలీకి స్పృహ వచ్చి చూడగా, తాను నగ్నంగా ఓ కుర్చీలో కట్టివేయబడివున్నానని గమనించింది. ఎదురుగా భయంకరంగా కనిపిస్తున్న వ్యక్తి, చేతిలో కత్తి పట్టుకుని మద్యం తాగాలని బెదిరించాడు. నటాలీ తాగబోనని కరాఖండీగా చెప్పింది. దీంతో ఆగ్రహంతో ముక్కు మూసి ఆమెను చంపాలని చూశాడు. అది కుదరకపోవడంతో నీళ్లు నిండిన బాత్ టబ్ లో ముంచి చంపాలని చూశాడు. ఇక తాను బతకడం అసాధ్యమేనన్న ఆందోళన నిండిన ఆమె, ఆ ఇంట్లో చాలా ఆర్చిడ్ పూల మొక్కలున్నాయని గుర్తించి, ప్లాన్ వేసింది.

తనకు ఆ పూలంటే చాలా ఇష్టమని అతనితో చెప్పింది. మెల్లిగా మాట్లాడుతూ, ముగ్గులోకి దించింది. దీంతో ఆ కసాయి కూడా కబుర్లలో పడ్డాడు. తానెందుకు ఉన్మాదిగా మారిందీ చెప్పాడు. తండ్రి చనిపోయాడని, తల్లి మద్యానికి బానిసైందని, ప్రియురాలు మోసం చేయడంతో లోకంపై కసిని పెంచుకున్నానని చెప్పాడు. అతన్ని పూర్తిగా కబుర్లలోకి దించిన ఆమె, తనను చంపవద్దని వేడుకుంటూనే, రోడ్డుపై వెళుతుంటే ప్రమాదవశాత్తూ దెబ్బలు తగిలాయని చెబుతానని నమ్మబలికింది.

కొన్ని గంటలుగా ఆమెతో మాట్లాడుతున్న కిడ్నాపర్, ఆమె మత్తులో పడిపోయి, క్షేమంగా తీసుకెళ్లి ఇంటి దగ్గర దింపేసి వెళ్లిపోయాడు. ఆ వెంటనే తానిచ్చిన హామీని పక్కనబెట్టిన నటాలీ, మరో అమ్మాయికి తనకు పట్టిన గతే పట్టరాదన్న ఉద్దేశంతో పోలీసులకు పూర్తి సమాచారం ఇచ్చింది. దీంతో వెంటనే పోలీసులు ఆ కిడ్నాపర్ ను అరెస్ట్ చేసి జైలుకు పంపించారు.

If you enjoyed this Post, Sign up for Newsletter

(And get your daily news straight to your inbox)

Rate This Article
(0 votes)
Tags : Nathalie Birli  cycling champion  kidnap  abducted  naked  Austria. Austrian media  Kronen Zeitung  Facebook  

Other Articles