ITEMVIDEOS: ప్రధాని కార్యక్రమానికి తూట్లుపోడిచిన సాధ్వీ.!

Posted: 07/22/2019 09:36 AM IST

హిందూ ఉగ్రవాదిగా అభియోగాలు ఎదుర్కోని రిమాండ్ లో వుంటూ అనారోగ్యంతో బాధపడుతున్నానని బెయిలుపై బయటకు వచ్చిన వివాదాస్పద బీజేపి నాయకురాలు.. ఏకంగా ఇటీవల జరిగిన సార్వత్రిక ఎన్నికలలో కాంగ్రెస్ సీనియర్ నేత దిగ్విజయ్ సింగ్ పై పోటీ చేసి.. మధ్యప్రధేశ్ లోని బోపాల్ నియోజకవర్గం నుంచి బరిలో దిగి గెలుపోంది పార్లమెంటులోకి అడుగుపెట్టిన ఎంపీ సాధ్వీ ప్రజ్ఞాసింగ్. అయితే అమె ఎన్నికలలో ఓటర్లను సెంటిమెంటుతో ఆకర్షించేందుకు ఎన్నో ప్రయత్నాలు చేశారు.

తనను జైలులో ఎలా హింసించారన్న విషయాలతో పాటు పలు వివాదాస్పద వ్యాఖ్యలు కూడా చేశారు. అయితే అమె వివాదాస్పద వ్యాఖ్యలు చేయడంలో పెద్ద వింతేమీలేదు. ఎందుకంటే సాధ్వీ ప్రజ్ఞాసింగ్ కు వివాదాస్పద వ్యాఖ్యలు చేయడం సార్వసాదారణమే. ఇక తాజాగా అమె మరోమారు అలాంటి వ్యాఖ్యలే చేసి వార్తల్లో నిలిచారు. మధ్యప్రదేశ్ లోని సెహోర్ లో పార్టీ కార్యకర్తలను ఉద్దేశించి ఆమె చేసిన వ్యాఖ్యలు రాజకీయ వర్గాలో వేడిరాజేస్తున్నాయి.

మరుగుదొడ్లు, మురుగు కాల్వలు శుభ్రం చేయడానికి తను ఎంపీగా ఎన్నిక కాలేదంటూ అమె చేసిన సంచలన వ్యాఖ్యలు ప్రధాని నరేంద్ర మోడీ ప్రభుత్వం ప్రతిష్టాత్మకంగా ప్రారంభించి చేపడుతున్న స్వచ్చా అభియాన్ కార్యక్రమానికి తూట్లు పోడిచేలా వున్నాయని రాజకీయ విశ్లేషకులు అంటున్నారు. ప్రజలకు ఏం చేస్తానని చెప్పి ఎంపీని అయ్యానో వాటన్నింటినీ చేసేందుకు కట్టుబడి ఉన్నానని, నిజాయతీగా చేస్తానని వ్యాఖ్యానించారు. దీంతో సాథ్వి ఇలాంటి వ్యాఖ్యలు చేయడం విమర్శలకు దారి తీస్తోంది.

#WATCH BJP MP from Bhopal, Pragya Thakur in Sehore: Hum naali saaf karwane ke liye nahi bane hain. Hum aapka shauchalaya saaf karne ke liye bilkul nahi banaye gaye hain. Hum jis kaam ke liye banaye gaye hain, vo kaam hum imaandaari se karenge. #MadhyaPradesh pic.twitter.com/VT4pcGKkYx

— ANI (@ANI) July 21, 2019