టిక్ టాక్ పై నిషేధం: మద్రాసు హైకోర్టు తీర్పుకు సుప్రీం సమర్ధన

Posted: 04/16/2019 01:39 PM IST

Supreme court refuses to stay ban on tiktok app use

మొబైల్ లో టిక్ టాక్ యాప్ ఉపయోగిస్తున్నవారి సంఖ్య నానాటికీ పెరిగిపోతొంది. టిక్ టాక్ లో అప్ లోడ్ చేస్తున్న డబ్ స్మాష్ వీడియోలు, ఫన్నీ వీడియోలు తెగ పాపులర్ అయిపోతున్నాయి. అయితే వినోదం కోసం వాడే టిక్ టాక్ యాప్ కొన్ని సందర్భాల్లో దుర్వినియోగం కూడా అవుతోంది. కొందరు ఆకతాయిలు ఈ యాప్ లో అసభ్యకరమైన, అశ్లీల సంభాషణలతో కూడిన వీడియోలను అప్ లోడ్ చేస్తున్నార్న అరోపణలు కూడా వినబడుతున్నాయి. ఇలాంటి వీడియోలతో యువత ప్రేరేపితమై నేరాలు చేసే అవకాశం ఉందని దీంతో శాంతిభద్రతలకు విఘాతం కలుగుతోందన్న పిర్యాదులు కూడా పెరుగుతున్నాయి.

ఈ క్రమంలో టిక్ టాక్ యాప్‌ను నిషేదించాలంటూ గూగుల్, యాపిల్‌లు కలిసి ప్రభుత్వాన్ని చేసిన వినతికి అనుకూల తీర్పునిచ్చింది దేశ సర్వోన్నత న్యాయస్థానం సుప్రీం కోర్టు. చైనా ఆధారిత యాప్ అయిన టిక్ టాక్‌ను తమిళనాడులో నిషేదించాలంటూ మద్రాస్ హైకోర్టు ఇచ్చిన తీర్పుకు వ్యతిరేకంగా దేశ అత్యున్నత న్యాయస్థానం సుప్రీం కోర్టును ఆశ్రయించారు. కేసును పరిశీలించిన చీఫ్ జస్టిస్ రంజన్ గోగొయ్ నేతృత్వంలోని కమిటీ తీర్పును ఏప్రిల్ 22 నాటికి వాయిదా వేసింది.

మద్రాస్ హైకోర్టు విధించిన నిషేదం అప్పటి వరకూ కొనసాగుతుందని చెప్తూనే గూగుల్, ఆపిల్ సంస్థలను టిక్ టాక్ వాడకంలో ఉండడం వల్ల నష్టాలేంటో చెప్పాలని ఆదేశించింది. యాప్ స్టోర్ల నుంచి టిక్ టాక్‍‌ను తొలిగించాలని పేర్కొంది. కొద్ది రోజుల ముందే టిక్ టాక్‌లో అభ్యంతరకర వీడియోలు ఉన్నాయంటూ ఫిర్యాదు అందడంతో 6 మిలియన్ వీడియోలను తొలగించింది టిక్ టాక్. ప్రపంచవ్యాప్తంగా ఉన్న యాప్‌లలో గూగుల్, ఆపిల్ తర్వాత టిక్ టాక్ మూడో స్థానంలో కొనసాగుతోంది. ఇందులో ఖాతాదార్లుగా 88.6 మిలియన్ యూజర్లు ఉన్నారట.