విజయవాడ, తిరుపతి, హైదరాబాద్ జనసేన సభలకు మాయావతి..

Posted: 04/01/2019 08:30 PM IST

జ‌న‌సేన పార్టీ తొలిసారిగా తెలంగాణ ఎన్నికల బరిలోనూ నిలుస్తోంది. తెలంగాణ ప్రభుత్వం ముందస్తు ఎన్నికలకు వెళ్లిన నేపథ్యంలో అసెంబ్లీ ఎన్నికలలో పోటీ చేయని జనసేన పార్టీ పార్లమెంటు ఎన్నికలలో మాత్రం బ‌రిలోకి దిగ‌ుతుంది. ఈ నేపథ్యంలో హైదరబాద్ లో పవన్ కల్యాణ్ ఓ భారీ బహిరంగ సభను నిర్వహించ తలపెట్టారు. ఈ ఎన్నికలలో వామపక్ష పార్టీలతో పాటు బీఎస్సీ పార్టీతో పొత్తు పెట్టుకుని ఎన్నికల సమరశంఖం పూరించిన విషయం తెలిసిందే.

ఈ క్రమంలో పవన్ కల్యాణ్ హైదరాబాద్ నగరంలోనూ ఆయా పార్టీలతో కలసి భారీ బహిరంగ సభను నిర్వహించి తన పార్టీ సత్తాను చాటనున్నారు. పొత్తు ధర్మంలో భాగంగా బీఎస్పీ అధినేత్రి మాయవతి ఈనెల 2న రాష్ట్రానికి రానున్నారు. పవన్ కల్యాణ్ తో కలిసి ఆమె అనేక సభల్లో పాల్గొంటారు. ఏప్రిల్ 3న విశాఖపట్నంలో పవన్ కల్యాణ్ తో కలిసి మీడియా సమావేశంలో పాల్గొంటారు. అదే రోజు మధ్యాహ్నం విజయవాడలోని మాకినేని బసవపున్నయ్య స్టేడియంలో నిర్వహించే భారీ బహిరంగ సభకు హాజరవుతారు.

ఇక ఆ మరుసటిరోజు అంటే ఏప్రిల్ 4న తిరుపతిలో జరిగే సభకు కూడా మాయావతి ముఖ్యఅతిధిగా హాజరవుతారు. అదే రోజు సాయంత్రం పవన్ కల్యాణ్ తో కలిసి హైదరాబాద్ చేరుకోనున్నారు. హైదరాబాద్ ఎల్బీ స్టేడియంలో నిర్వహించే భారీ బహిరంగ సభలో జనసేనాని పవన్ కల్యాణ్ తో కలసి మాయావతి తొలిసారి జనసేన మిత్రపక్ష పార్టీగా తెలంగాణలోని హైదరాబాద్ బహిరంగసభలో పాల్గొంటారు. ఈ మేరకు జనసేన పార్టీ షెడ్యూల్ విడుదల చేసింది.

విజ‌యవాడ‌, తిరుప‌తి, హైద‌రాబాద్‌ల‌లో మాయావ‌తి, శ్రీ ప‌వ‌న్‌క‌ళ్యాణ్ గార్ల బ‌హిరంగ‌స‌భ‌లు#JANASENARevlution2019 pic.twitter.com/b7Z5t3Sw8f

— JanaSena Party (@JanaSenaParty) April 1, 2019