అగ్రరాజ్యవాసులను తీవ్ర కలకలానికి గురిచేసిన వార్త అది. అమెరికా అధ్యక్షుడు డోనాల్డ్ ట్రంప్ తన పదవికి రాజీనామా చేశారని ప్రముఖ దినపత్రిక ద వాషింగ్టన్ పోస్టు సంచలన వార్తను పతాక శీర్షికన ప్రచురించింది. అంతేకాదు ట్రంప్ రాజీనామాతో ప్రపంచ వ్యాప్తంగా సంబరాలు మొదలయ్యాయని.. అమెరికా నూతన అధ్యక్షుడిగా మైక్ పెన్స్ ప్రమాణ స్వీకారం చేయనున్నారని..’ కూడా అదే పత్రికలో తొలిపేజీలోనే కథనాలు కూడా వెలువడ్డాయి.
అమెరికా అధ్యక్షుడు డోనాల్డ్ ట్రంప్ ఏంటీ..? అధ్యక్ష పదవికి రాజీనామా చేయడమేంటని ఆశ్చర్యపోతున్నారా..? ఇదే వార్త అమెరీకన్లను కూడా అశ్చర్యానికి గురిచేసింది. ఈ వార్తను వాషింగ్టన్ వీధుల్లో ‘ప్రత్యేక సంచిక’ పేరిట ప్రజలకు ఉచితంగా పత్రికను కొందరు పంచిపెట్టారు. ‘ద వాషింగ్టన్ పోస్ట్’ ప్రచురించినట్లుగా ఉన్న ఆ పత్రికలో ‘ట్రంప్ రాజీనామా..’.. అంటూ ఓ పెద్ద కథనాన్ని రాసింది. మొదటిపేజీ పైభాగంలో దిగాలుగా ఉన్నట్లుగా ఉన్న ట్రంప్ అతి పెద్ద ఫొటోను ఉంచి.. ఈ వార్తను ప్రచురించింది.
‘ట్రంప్ శకం ముగియడంతో ప్రపంచ వ్యాప్తంగా మొదలయిన సంబరాలు..’ అంటూ మరో వార్తను రాసింది. ఈ సంచికకు ‘2019వ సంవత్సరం మే 1వ తారీఖు’ ను డేట్ లైన్ గా ఉంచింది. శ్వేతసౌధంకు దగ్గరలోని ప్రాంతాలతోపాటు ఆయా పరిసర ప్రాంతాల్లో ఈ సంచికను ఉచితంగా కొందరు పంచిపెట్టారు. కాగా ఈ సంచికపై వాషింగ్టన్ పోస్ట్ స్పందించింది. దీన్ని ఫేక్ ఎడిషన్ అంటూ కొట్టిపారేసింది. దీంతో తమకు ఏమాత్రం సంబంధం లేదని తేల్చిచెప్పింది.
‘వాషింగ్టన్ పరిసర ప్రాంతాల్లో మా పత్రిక పేరుతో కొందరు నకిలీ సంచికలను పంచిపెడుతున్నారు. మాపై బురదజల్లడానికి మమ్మల్ని అనుకరిస్తున్న ఓ వెబ్సైట్ చేస్తున్న నీతిమాలిన ప్రయత్నం ఇది. దీన్ని మేము సీరియస్గా తీసుకుంటున్నాం..’ అంటూ వాషింగ్టన్ పోస్ట్ ఓ ట్వీట్ చేసింది. ఆ నకిలీ పత్రికలో ఉన్న కథనం ప్రకారం.. 2019వ సంవత్సరం ఏప్రిల్ 30న ట్రంప్ వైట్ హౌస్ ను వీడారని పేర్కోంది.
అంతేకాదు ‘ ఆయన తన పదవికి రాజీనామా చేశారు. తన రాజీనామా గురించి అధికారిక ప్రకటనను ట్రంప్ ఏమీ ఇవ్వలేదు. తాను కూర్చునే టేబుల్ సొరుగులో ఓ నాప్కిన్పై ట్రంప్ తన రాజీనామా మెసేజ్ ను రాసి ఉంచారు. వాషింగ్టన్ నుంచి రెండో ప్రపంచ యుద్ధ కాలంలో మిత్ర రాజ్యాలు సమావేశ స్థలమైన యాల్ట్రాకు వెళ్లారు..’ అంటూ మే ఒకటో తారీఖున వార్తను ప్రచురించింది. పూర్తిగా ట్రంప్ వ్యతిరేక వార్తలతో నిండి ఉన్న ఈ నకిలీ సంచికను చదివిన అమెరికన్లు.. సోషల్ మీడియాలో స్పందిస్తున్నారు.
FAKE NEWS-PAPER: A clever imitation of the Washington Post is circulating around town. It’s put out by a satirical group called the “Yes Men.” Some are not amused. “I find folks trying to imitate the Post with truly fake news quite unhelpful,” says Geoff Dabello. #fake #washpo pic.twitter.com/PwsKDSVsu8
— Richard Reeve (@abc7Richard) January 16, 2019
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more