నాలుగేళ్లలో లక్ష్మారెడ్డి అస్తులు అంతా.. వాళ్లవి కూడా..

Posted: 11/22/2018 06:29 PM IST

తెలంగాణ రాష్ట్ర అసెంబ్లీ ఎన్నికల నేపథ్యంలో నాలుగేళ్లలో ఎంత అభివృద్ది చేశామో చూశారా.. అంటూ అధికార పార్టీ.. రాష్ట్రాన్ని అప్పులమయంగా మార్చారని ప్రతిపక్షాలు ఓ వైపు చర్చనడుస్తున్న క్రమంలో.. ఓటర్లు మాత్రం ఇన్ని చెబుతున్న నేతలు, తమ ఆస్తులను ఎంతగా పెంచుకున్నారని చర్చిస్తున్నారు. ఐదేళ్లు కావస్తున్నా తమ జీవితాల్లో ఎక్కడ వేసిన గొంగలి అక్కడే అన్న చందంగా వుంటే నాయకులు మాత్రం అభివృద్ది అంటూ ఉత్తమాటలు చెబుతున్నారన్న విమర్శలు ఓ వైపు వినబడుతున్నాయి.

ఇక ప్రతిపక్ష నేతలు చెబుతున్నట్లు మిగులు నిధులు వున్న రాష్ట్రాన్ని, ఏడాదికి సుమారుగా రెండు లక్షల కోట్ల రూపాయల బడ్జెట్ వున్నా.. అది చాలదన్నట్లు మరో రెండు లక్షల కోట్ల రూపాయల అప్పులను చేసి ప్రజల నెత్తిపై భారం పెట్టారని.. ఈ నిధులకు కట్టే వడ్డీ ప్రజల సోమ్ము అని మర్చిపోయారా అంటూ అరోపణలు చేస్తూనే వున్నారు. ఈ క్రమంలో ఎవరెన్ని చెప్పినా.. ఏ నేత ఎంతలా అస్తులను అర్జించాడన్నదానిపై ఓటర్లలో ఆసక్తికర చర్చ జరుగుతోంది.

ఈ క్రమంలో తెలంగాణ మాజీ అరోగ్యశాఖ మంత్రి లక్ష్మరెడ్డి అమాంతం లక్షల రూపాయల నుంచి కోట్ల రూపాయల్లోకి పడగెత్తాడు. అంతేకాదు మరికొందరు నేతలు కూడా ఏకంగా తమ పదుల కోట్లలో వున్న ఆస్తులను ఏకంగా నలబై ఆపైన సంపాదించారు. ఇదంతా జస్ట్ ఇన్ ఫైవ్ ఇయర్స్. టీఆర్ఎస్ అధినేత కేసీఆర్, ఆయన కుమారుడు కేటీఆర్, కాంగ్రెస్ ఫైర్ బ్రాండ్ రేవంత్ రెడ్డి, రాజగోపాల్ రెడ్డి ఆస్తులు గణనీయంగా పెరిగినట్లు తాజా లెక్కలు చెబుతున్నాయి. అయితే టీపీసీసీ అధ్యక్షుడు ఉత్తమ్ కుమార్ రెడ్డి అస్తులు మాత్రం తరగడం గమనార్హం.

ముఖ్య నేతల ఆస్తులు గత ఐదేళ్లలో ఎంతకు పెరిగాయంటే..

పేరు               పార్టీ        నియోజకవర్గం   2014లో ఆస్తులు  2018లో ఆస్తులు     పెరుగుదల శాతం
కేసీఆర్           టీఆర్ఎస్       గజ్వేల్            రూ.15.15 కోట్లు     రూ.23.55 కోట్లు       55.38
కేటీఆర్           టీఆర్ఎస్        సిరిసిల్ల          రూ.7.98 కోట్లు       రూ.41.82             423
ఈటల రాజేంద్ర  టీఆర్ఎస్     హుజురాబాద్       రూ.14.51 కోట్లు     రూ.42.41 కోట్లు       192
లక్ష్మారెడ్డి         టీఆర్ఎస్     జడ్చర్ల              రూ.77 లక్షలు       రూ.17.29 కోట్లు       2130
హరీష్ రావు     టీఆర్ఎస్     సిద్దిపేట             రూ.2.96 కోట్లు       రూ.11.44 కోట్లు       285
జగదీష్ రెడ్డి      టీఆర్ఎస్     సూర్యాపేట్         రూ.1.13 కోట్లు       రూ.3.53 కోట్లు         209
తలసాని         టీఆర్ఎస్     సనత్ నగర్         రూ.15.56 కోట్లు     రూ.40.30 కోట్లు       158

మర్రి జనార్థన్ రెడ్డి టీఆర్ఎస్  నగర్ కర్నూల్          రూ.111 కోట్లు          రూ.161 కోట్లు    148

ఉత్తమ్ కుమార్   కాంగ్రెస్     హుజూర్ నగర్       రూ.3.11 కోట్లు      రూ.3.07 కోట్లు        -1.44
జానారెడ్డి          కాంగ్రెస్     నాగార్జున సాగర్     రూ.8.56 కోట్లు      రూ.10.99 కోట్లు        28
రేవంత్ రెడ్డి       కాంగ్రెస్     కొడంగల్‌              రూ.13.12 కోట్లు    రూ.21.39 కోట్లు        62
గీతా రెడ్డి          కాంగ్రెస్     జహీరాబాద్          రూ.20.80 కోట్లు     రూ.43.76 కోట్లు       110
రాజగోపాల్ రెడ్డి   కాంగ్రెస్     మునుగోడు          రూ.66.65 కోట్లు     రూ.314 కోట్లు          371

కిషన్ రెడ్డి         బీజేపీ     అంబర్‌పేట్            రూ.6.44 కోట్లు       రూ.8.23 కోట్లు          44
కె.లక్ష్మణ్         బీజేపీ     ముషీరాబాద్          రూ.4.37 కోట్లు       రూ.7.30 కోట్లు          46