అయోధ్య కేసు: అంత అత్యవసరం కాదన్న ‘సుప్రీం’

Posted: 10/29/2018 03:25 PM IST

Ayodhya case supreme court adjourns hearing till jan 2019

అయోధ్యలోని రామజన్మభూమిలో వున్న శ్రీరామ మందిరం- బాబ్రీ మసీదు టైటిల్ వివాదానికి సంబంధించిన కేసు విచారణను దేశ సర్వోన్నత న్యాయస్థానం వాయిదా వేసింది. వచ్చే ఏడాది జనవరి మాసంలో ఈ కేసు ఎప్పుడు విచారించే తేదీని వెలువరిస్తామని తెలిపింది. రామజన్మభూమి మందిరింతో పాటు బాబ్రీ మసీదు టైటిల్ కేసు వివాదానికి సంబంధించిన కేసులో సరిగ్గా సార్వత్రిక ఎన్నికలు ముందు విచారించాల్సిన అవసరం లేదని అత్యున్నత న్యాయస్థానం అభిప్రాయపడింది.

ఈ కేసును అత్యవసరంగా విచారించాల్సిన అవసరం లేదని సుప్రీంకోర్టు ప్రధాన న్యాయమూర్తి జస్టిస్ తరుణ్ గొగోయ్ సంచలన వ్యాఖ్యలు చేశారు. ఈ విషయమై అలహాబాద్ కేసు తీర్పును సవాలు చేస్తూ దాఖలైన పిటీషన్లపై తదుపరి విచారణను జనవరికి వాయిదా వేసింది. విచారణ తేదీలను, ధర్మాసనం వివరాలను వెల్లడిస్తామని ప్రకటించింది. 2010లో అలహాబాద్ హైకోర్టు త్రిసభ్య ధర్మాసనం ఈ కేసుకు సంబంధించి తీర్పును వెలువరించింది. ఆ సందర్భంగా ముగ్గురు న్యాయమూర్తులు మూడు రకాలైన అభిప్రాయాలను వెల్లడించారు.

ఈ నేపథ్యంలో కోర్టు తీర్పును సవాల్ చేస్తూ సుప్రీంకోర్టులో పలు పిటిషన్లు దాఖలయ్యాయి. ఈ పిటిషన్లను ఈరోజు చీఫ్ జస్టిస్ రంజన్ గొగోయ్ నేతృత్వంలోని ధర్మాసనం విచారించింది. ఈ సందర్భంగా గొగోయ్ మాట్లాడుతూ, వాస్తవానికి జనవరిలో కూడా ఈ పిటిషన్లపై విచారించాల్సిన అవసరం లేదని... సార్వత్రిక ఎన్నికలకు కొన్ని నెలల ముందు దీనిపై విచారణ అనవసరమని చెప్పారు. తరుపరి విచారణను జనవరికి వాయిదా వేస్తున్నట్టు ప్రకటించి... నాలుగు నిమిషాల్లో విచారణను ముగించారు.