ఉత్తర్ ప్రదేశ్ లోని పోలీసులు రాజు ఎవరైతే వారి మాటే శాసనం అన్న పంథాలో వ్యవహరిస్తూ విమర్శల పాలవుతున్నారు. ప్రజాస్వామ్య దేశంలో తాము కేవలం రాజ్యంగాబద్దంగా ప్రజలకు భద్రత కల్పించాల్సిన అవసరముందని గుర్తెరుగని పోలీసులు.. ప్రస్తుతం రాష్ట్రంలో బీజేపి నేతృత్వంలోని యోగీ అధిత్యనాథ్ ప్రభుత్వం వుండటంతో.. ముస్లిం అబ్బాయిని ప్రేమిస్తోందన్న కారణంగా ఓ యువతిపై దాడి చేసి తమ స్వామిభక్తిని చాటుకున్నారు.
ఆ యువతిని వ్యానులో ఎక్కించుకుని శూలాల్లాంటి మాటలతో మనోవేదనకు గురిచేశారు. అంతటితో అగని పోలీసులు.. యువతిపై అదే వ్యానులో తరలిస్తున్న క్రమంలోనే దాడిచేశారు. అంతేకాదు తాము చేసిన ఘనకార్యాన్ని మోబైల్ లో కూడా రికార్డు చేశారు. ఇప్పుడీ వీడియో సోషల్ మీడియాలో వైరల్ అవుతోంది. ఉత్తరప్రదేశ్ లోని మీరట్ లో జరిగిందీ ఘటన. పోలీసుల తీరుపై సర్వత్ర విమర్శలు వెల్లువెత్తడంతో.. తీవ్రంగా పరిగణించిన ఉన్నతాధికారులు నలుగురు పోలీసులను సస్పెండ్ చేశారు. ఘటనపై దర్యాప్తుకు ఆదేశించారు.
వీడియోలో ఉన్నదాని ప్రకారం.. పోలీసు వ్యానులో యువతితోపాటు నలుగురు కానిస్టేబుళ్లు ఉన్నారు. యువతి పక్కన కూర్చున్న మహిళా కానిస్టేబుల్ ఆమెను కొడుతుండగా, డ్రైవర్ వీడియో తీశాడు. ఎంతోమంది హిందూ యువకులు ఉండగా ముస్లిం అబ్బాయిని ఎందుకు ప్రేమించావంటూ డ్రైవర్ ప్రశ్నించడం వీడియోలో స్పష్టంగా వినిపిస్తోంది.
ఈ ఘటనకు ముందు వైద్య విద్యార్థిని అయిన ఆమె తన సహచరుడు అయిన ముస్లిం యువకుడి ఇంటికి వెళ్లింది. అక్కడ వారిద్దరు ఉండగా విశ్వహిందూ పరిషత్ కార్యకర్తలు వారిపై దాడిచేసి పోలీసులకు అప్పగించారు. యువతిని, యువకుడిని వేర్వేరు వాహనాల్లో ఎక్కించుకుని తీసుకెళ్లారు. యువతిని తీసుకెళ్తున్న పోలీసులు ఆమెను దూషిస్తూ దాడి చేశారు. కాగా, ఈ ఘటనపై దర్యాప్తు జరుపుతున్నామని, నివేదిక ఆధారంగా పోలీసులపై తదుపరి చర్యలు తీసుకుంటామని అధికారులు తెలిపారు. కాగా, యువతీయువకులపై దాడి చేసిన వీహెచ్పీ కార్యకర్తల్లో ఒక్కరిని కూడా పోలీసులు అదుపులోకి తీసుకోకపోవడం గమనార్హం.
This is @Uppolice. Of course the Cops in the Video will be suspended to Show “Promot Action”. But for every 1 Such Video, there will be thousands of similar cases where there is no Video Proof to nail the “Protectors” in Uniform pic.twitter.com/PLaKAPKGF4
— Joy (@Joydas) September 25, 2018
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more