ITEMVIDEOS: అయ్యయ్యో అపూర్వ.. నీ భూమి ఎలా అయ్యింది కబ్జా.!

Posted: 06/05/2018 11:58 AM IST

దేశానికి రాజైనా అమ్మకు కొడుకే అని.. సెలబ్రిటీలుగా ఎంత ఎత్తు ఎదిగినా.. తన సొంతూళ్లో మాత్రం ఏరా అనే స్నేహితులే వుంటారన్నది వాస్తవం. అయితే స్నేహితులే కాదు ఇరుగుపోరుగు వారితో ఎదురయ్యే ఇబ్బందులు కూడా అలాగే వుంటాయని తాజాగా నటి అపూర్వ విషయంలో రుజవైంది. అమెకు చెందిన భూమిని నలుగురు రైతులు కబ్జా చేశారని ఏకంగా అమె పోలిస్ స్టేషన్ కు వెళ్లి పిర్యాదు ఇవ్వడంతో ఈ విషయం తాజాగా వెలుగులోకి వచ్చింది. తన పోలం పక్కనే భూములున్న రైతులు అమె పొలాన్ని కబ్జా చేశారని అమె పోలీసులను అశ్రయిందారు.

వివరాల్లోకి వెళ్తే.. పశ్చిమ గోదావరి జిల్లా దెందులూరులో క్యారెక్టర్ అర్టిస్టుగా గుర్తింపు పోందిన నటి అపూర్వకు తల్లి నుంచి నాలుగు ఏకరాల భూమి వారసత్వంగా లభించింది. అయితే అమె తన నటనారంగలో స్థిరపడటంతో హైదరాబాదులోనే స్థిరపడ్డారు. ఈ క్రమంలో అమెకు చెందిన భూమిని గత కొన్నేళ్లుగా అమె పక్కనున్న రైతులు అక్రమించుకుని పంటలు పండిస్తున్నారు. ఈ విషయం తెలుసుకున్న అమె తన పొలం సరిహద్దులను నిర్ణయించాలంటూ స్థానిక ఎమ్మార్వో కార్యాలయంలో దరఖాస్తు చేశారు.

సర్వేయర్ వచ్చి సర్వే చేసి అమె నాలుగు ఎకరాల పోలం తాలుకు సరిహద్దులను చూపడంతో.. అమె వాటి చుట్టూ రాళ్లు పాతించి.. హద్దులను కనబడేలా చేశారు. ఈ నాలుగు ఏకరాల చుట్టూ ఫెన్సింగ్ కూడా ఏర్పాటు చేయాలని భావించారు. అయితే సర్వే చేసిన మరుసటి రోజున పోలానికి వెళ్లి చూడగా అమె పాతించిన రాళ్లన్ని తొలగించివేయబడ్డాయి. దీంతో అమె స్థానిక పోలీసులకు పిర్యాదు చేశారు. దీంతో పక్కనున్న నలుగురు పోలాల రైతుల పేర్లపై అమె పోలీసులకు పిర్యాదు చేశారు. కాగా పోలీసులు మాత్రం ఇది సివిల్ వ్యవహారమని.. దీంతో ఎమ్మార్వో సాయంతో సరిహద్దులు నిర్ణయించి సమస్య పరిష్కారానికి చోరవ చూపుతామని అన్నారు.