దేశ అత్యున్నత న్యాయస్థానం అదేశాల నేపథ్యంలో బల నిరూపణ పరీక్ష సిద్దమైన యడ్యూరప్ప సంచలన నిర్ణయం తీసుకోనున్నారా..? అంటే అవుననే కన్నడనాట స్థానిక, జాతీయ మీడియా కథనాలు వెల్లడిస్తున్నాయి. మరికొన్ని గంటల వ్యవధిలో బలపరీక్ష నిరూపించుకోవాల్సిన యడ్యూరప్ప.. తన సంచలన నిర్ణయంతో కన్నడ రాజకీయాలు మరింత ఉత్కంఠకు గురిచేస్తున్నారు. దీంతో రాష్ట్ర రాజకీయాలు క్షణక్షణం మారిపోతున్నాయి. యావత్ దేశ ప్రజలు ఉత్కంఠగా ఎదురుచూస్తున్న బలనిరూపణ ప్రక్రియ ఏటు దారితీస్తుందోనన్న టెన్షన్ సర్వత్రా నెలకొంది.
అయితే యడ్యూరప్ప సంచలన నిర్ణయం కేవలం సానుభూతి క్రమంలో తనకు పరిచయమైన ఎమ్మెల్యేలను బ్లాక్ మెయిల్ చేయడం కోసమే చివరి ప్రయత్నంగా కూడా పలువురు రాజకీయ విశ్లేషకులు అనుమానాలను వ్యక్తం చేస్తున్నారు. ఇంతకీ యడ్యూరప్ప తీసుకున్న సంచలన నిర్ణయం ఏంటని అంటారా.? సభలో బలం నిరూపించుకోలేని పరిస్థితి వస్తే.. యడ్యూరప్ప అంతకుముందే తన సీఎం పదవికి రాజీనామా చేస్తారనే ప్రచారం జోరుగా సాగుతోంది. ఇందుకు సంబంధించి కర్ణాటక, జాతీయ మీడియాలో వార్తలు వస్తున్నాయి.
యడ్యూరప్ప రాజీనామా చేసే యోచనలో ఉన్నట్లు మీడియా కథనాలు చెబుతున్నాయి. విశ్వాస పరీక్షకు ముందే సభలో మాట్లాడి యడ్యూరప్ప గవర్నర్ ను కలుస్తారని తెలుస్తోంది. ఇప్పటికే యడ్యూరప్ప తన రాజీనామా లేఖను సిద్ధం చేసుకున్నట్టు తెలుస్తోంది. నిన్న గాలి జనార్దన్రెడ్డి, నేడు యడ్యూరప్ప పేరుతో ప్రలోభాల టేపులను కాంగ్రెస్ విడుదల చేసిన నేపథ్యంలో గతంలో ముఖ్యమంత్రిగా వుండి జైలుకెళ్లి ప్రతిష్టను దిగజార్చుకున్న యడ్యూరప్ప.. తాజాగా కాంగ్రెస్ ఎమ్మెల్యేలతో బేరసారాలు మాట్లాడిన టేపు బయటకురావడంతో కుంగిపోయారని, ఇక దీనికి తోడు తనకు బలం లేదని.. దానిని ఎలా నిరూపించుకుంటామని అలాంటి పరిస్థితుల్లో అసెంబ్లీలో అవమానాన్ని ఎదుర్కోనే కంటే ముందుగానే రాజీనామా చేయడం మంచిదని ఆయన భావిస్తున్నట్లు తెలుస్తుంది.
దీంతో యడ్యూరప్పను శాంతపర్చే పనిలో బీజేపి శ్రేణులు నిమగ్నమయ్యారు. అయితే అసెంబ్లీలో తన ప్రసంగం తరువాత తాను రాజీనామా చేస్తానని యడ్యూరప్ప పార్టీ శ్రేణులకు వెల్లడించినట్లు సమాచారం. ఏకంగా జాతీయ బీజేపి అధ్యక్షుడు అమిత్ షాతో కూడా యడ్యూరప్పను ఫోన్ లో మాట్లాడించారు. కాగా అందివచ్చే ఏ అవకాశాన్ని వదులుకోవద్దని పార్టీ అధిష్టానం అదేశాలను జారీ చేసిందని కూడా వార్తలు వస్తున్నాయి. అయితే, యడ్యూరప్ప రాజీనామా వార్తలు కేవలం ఎమోషనల్ బ్లాక్ మెయిల్ మాత్రమేని పలువురు రాజకీయ విశ్లేషకులు కోట్టిపారేస్తున్నారు.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more