ఆ వీడియో చూడటం అపండి: స్టార్ బ్యాడ్మింటన్ ఆటగాడు

Posted: 02/15/2018 11:55 AM IST

మూడుసార్లు ఒలిపింక్ రజత పతక విజేత, బ్యాడ్మింటన్ ప్రపంచ నంబరు-2 ఆటగాడిగా సెలబ్రిటీ స్టేటస్ అందుకున్న లీచాంగ్‌ వీ.. తన అభిమానులతో పాటు ప్రపంచ సోషల్ మీడియా వీక్షకులకు ఓ అభ్యర్థన చేస్తున్నాడు. అదేంటి ఆయన అభ్యర్థన అంటే దయచేసి సోషల్ మీడియాలో వైరల్ గా మారుతున్న తన వీడియోను వీక్షించకండి అని కోరుతున్నాడు. అసలు ఇంతకీ ఈ వీడియో ఎవరిదీ..? ఎందుకు దానిని చూడవద్దు అని లీచాంగ్ వీ అభ్యర్థిస్తున్నాడు. ఆయనకు ఆ వీడియోకు సంబంధమేంటి అని ప్రశ్నలు మీ మదిని తొలుస్తున్నాయా..?

అదేదో వీడియో కాదు.. ఆటలో నెంబర్ టు స్థానాన్ని అక్రమించుకున్ని చాంగ్ వీ, సెలబ్రిటీగా ఎంతో జాగ్రత్తగా వుండాల్సి వున్నా.. అవేమీ పట్టించుకోకుండా అనైతిక కార్యకలాపాలకు పాల్పడంటో ఇప్పుడు అభిమానులను వీడియోను వైరల్ చేయవద్దని వేడుకుంటున్నాడు. అదేంటి అంటారా..? అయన పేరుతో సోషల్ మీడియాలో ఓ ఫోర్న్ వీడియో అభిమానులను షాకయ్యేలా చేసింది. దీంతో ఇప్పటికే ఈ సెక్స్ వీడియో వైరల్ అయింది. తన వీడియో నెట్టింట్లో సంచలనంగా మారడంతో విపరీతమైన షేర్లు పెరగడంతో.. స్పందించిన లీ చాంగ్.. తన వీడియోను వైరల్ చేయకండీ, చూడకండీ, షేర్ అసలు చేయకండీ అంటూ అభిమానులను కోరుతున్నాడు.

ఇక అంతటితో అగకుండా ఈ విషయమై పోలీసులకు కూడా ఫిర్యాదు చేశాడు. తనను అప్రతిష్ఠ పాలు చేసేందుకు ఎవరో కావాలనే ఈ పని చేశారని ఆరోపించాడు. అయితే అందులో ఉన్నది తనా? కాదా? అన్న విషయాన్ని చెప్పేందుకు నిరాకరించాడు. వీడియోలో ఉన్న వారిలో తాను కూడా ఒక్కడినని పేర్కొన్న లీ.. దీనిని సర్క్యులేట్ చేయడం ఆపాలంటూ సోషల్ మీడియా యూజర్లకు విజ్ఞప్తి చేశాడు. ఈ మేరకు తన ఫేస్‌బుక్ ఖాతాలో పోస్ట్ చేశాడు. ఈ వీడియో ద్వారా తనను అభాసుపాలు చేయాలనుకుంటున్నారని ఆవేదన వ్యక్తం చేశాడు.

ఈ వీడియో బయటకు రావడానికి కారకులైన వారిపై కఠిన చర్యలు తీసుకోవాల్సిందిగా పోలీసులకు అందించిన ఫిర్యాదులో పేర్కొన్నట్టు చాంగ్ లీ.. తన హక్కులకు భంగం కలిగితే సహించబోనని ఈ సందర్భంగా హెచ్చరించాడు. వీడియోను షేర్లు చేయడాన్ని ఆపాలని ఈ సందర్భంగా యూజర్లకు లీ విజ్ఞప్తి చేశాడు. ఈ మలేషియన్ ఆటగాడిపై వచ్చే నెలలో బయోపిక్ రానున్న నేపథ్యంలో ఈ వీడియో ప్రపంచవ్యాప్తంగా సంచలనమైంది. కాగా, లీపై గతంలో మ్యాచ్ ఫిక్సింగ్ ఆరోపణలు కూడా ఉన్నాయి. లీ సెక్స్ వీడియోపై బ్యాడ్మింటన్ వరల్డ్ ఫెడరేషన్ (బీడబ్ల్యూఎఫ్) ఇప్పటి వరకు స్పందించలేదు.