యువకుల నడుమ.. అర్థనగ్న నృత్యాలు..

Posted: 01/18/2018 11:52 AM IST

తెలుగు రాష్ట్రాల్లో సంక్రాంతి సంబరాలు అంబరాన్ని అంటే విధంగా జరుపుకున్నారు. అయితే ఇంకా పలు ప్రాంతాల్లోని యువత మాత్రం ఈ సంబరాల జోష్ నుంచి పక్కకు తప్పుకోలేకపోతుంది. దీంతో యువతను అట్రాక్ట్ చేసేందుకు కొందరు నిర్వాహకులు రికార్డింగ్ డ్యాన్స్ లు ఏర్పాటు చేస్తున్నారు. కాగా, ఈ రికార్డు డాన్సుల మాటున యువతను పెడతోవ పట్టించేలా యువతులు అర్థనగ్న నృత్యాలు చేస్తూ హద్దులు మీరిపోతున్నారు. కొంత మంది మహిళా డ్యాన్సర్లతో విచ్చలవిడిగా రెచ్చగొట్టి వారిపై రాలే కాసుల కోసం కుహానా సంబరాలు జరుపుతున్నారు.

ఈ క్రమంలో పక్క సమాచారం అందుకుని దాడులు నిర్వహించిన పోలీసులకు కొన్ని చోట్ల అశ్లీల నృత్యాలు చేస్తూ రెడ్ హ్యాండెడ్ గా పట్టుబడుట్టారు. అయితే పలు చోట్ల మాత్రం పోలీసుల సమాచారం అందుకున్న నిర్వాహకులు మహిళా డాన్సర్లను అప్రమత్తం చేయడంతో హుటాహుటిన అర్థనగ్న నృత్యాలకు అడ్డాగా మారిన వేదిక కాస్తా క్షణాల్లో రికార్డింగ్ డాన్సుల వేదికగా మారిపోతున్నాయి. ఈ క్రమంలో తాజాగా తూర్పుగోదావరి జిల్లాలో ఆశ్లీల నృత్యాలు చేశారంటూ కొందరు మహిళా డ్యాన్సర్లను పోలీసులు అరెస్టు చేయడం విమర్శలకు దారితీసింది.

పెద్దాపురం మండలం గోరింట గ్రామంలో అమ్మవారి జాతర సందర్భంగా మహిళలతో రికార్డింగ్ డ్యాన్సులు నిర్వహించారు. అయితే ఈ జాతరలో నిర్వాహకులతో ఒప్పందం మేరకు డ్యాన్సర్లు అశ్లీల నృత్యాలు చేసినట్లు తెలిసింది. సమాచారమందుకున్న పోలీసులు ఆ మహిళలను అరెస్టు చేయడమేగాక నిర్వాహకులను కూడా అరెస్టు చేశారు. కాకపోతే పోలీసులు వ్యవహరించిన తీరుపై సర్వత్రా విమర్శలు వినిపిస్తున్నాయి. పోలీసులు వచ్చే సమయానికి అర్థనగ్నంగా ఉన్న మహిళా డ్యాన్సర్లు దుస్తులు మార్చుకునే సమయం కూడా ఇవ్వకుండా ఉన్నపళానే అలాగే అర్థనగ్నంగా వారిని అరెస్ట్ చేసి తీసుకెళ్లారని, అలా చెయ్యడం సమంజసం కాదని స్థానిక మానవ హక్కుల సంఘం నేతలు అభిప్రాయం వ్యక్తం చేశారు.