పొగమంచు కబలించింది.. రహదారి రక్తమోడింది..

Posted: 12/28/2017 10:42 AM IST

దేశ రాజధాని ఢిల్లీ సహా ఉత్తర భారతానికే పరమితమైన దట్టమైన పోగమంచు నవ్యాంధ్రలో పదో తరగతి విద్యార్థులు ఉసురు తీసింది. దట్టంగా అలుముకున్న పోగమంచు కారణంగా అటోలో పాఠశాలకు వెళ్తున్న నలుగురు విద్యార్థులతో పాటు అటో డ్రైవర్ కూడా మరణించాడు. ఈ విషాద ఘటన గుంటూరు జిల్లాలో చోటుచేసుకుంది. విద్యార్థులను పాఠశాలకు తీసుకెళుతున్న ఆటోను ఆర్టీసీ బస్సు ఢికొనడంతో ఈ ప్రమాదాం సంభవించింది.

అయితే దట్టంగా అలుముకున్న పోగమంచు కారణంగా అర్టీసీ బస్సు కనిపించకపోవడంతో.. రహదారి రక్తమోడింది. ఈ ఉదయం సంభవించిన ఈ ప్రమాదంలో ఆటోలో ఉన్న నలుగురు విద్యార్థులు, ఆటో డ్రైవర్ మృతిచెందగా మరో ముగ్గురు చిన్నారులు తీవ్రంగా గాయపడ్డారు. వేమవరం గ్రామం నుంచి పేరేచర్లలోగల పాఠశాలకు వెళ్లేందుకు విద్యార్థులు ఆటో ఎక్కారు. అయితే... వీరు ప్రయాణిస్తున్న ఆటోను ఫిరంగిపురం మండలం రేపూడి గ్రామం వద్ద పొన్నూరు నుంచి శ్రీశైలం వెళుతున్న ఆర్టీసీ బస్సు ఢీకొంది.

దీంతో ఆటోలోని నలుగురు పదో తరగతి విద్యార్థులు కార్తీక్‌రెడ్డి, గాయత్రి, శైలజ, రేణుక, ఆటో డ్రైవర్ ధన్ రాజ్ ఘటనాస్థలంలోనే మృతిచెందగా మరో ముగ్గురికి తీవ్ర గాయాలయ్యాయి. వీరిని గుంటూరులోని జీజీహెచ్‌కు తరలించారు. ఈ ప్రమాదఘటనపై మంత్రుల అచ్చెన్నాయుడు, అనంద్ బాబులు దిగ్ర్భాంతి వ్యక్తం చేశారు. క్షతగాత్రులకు మెరుగైన చికిత్స అందించాలని సంబంధిత అధికారులకు అదేశాలు జారీ చేశారు.