విడాకులకు నిరాకరించిందని.. భార్యపై గ్యాంగ్ రేప్

Posted: 11/25/2017 10:41 AM IST

పంజాబ్ లో దారుణం చోటుచేసుకుంది. సభ్యసమాజం సిగ్గుతో తలదించుకునేలా భార్యతో వ్యవహరించాడో భర్త. భర్త అనేకన్నా.. పైశాచిక మృగం అనడమే సముచితం. తన భార్య విడాకుల కోసం నిత్యం వేధిస్తూ, మనసికంగా, శారీరికంగా హింసిస్తూ.. చివరకు అమెపై అత్యాచారం చేయిస్తానని బెదిరించిన భర్తు.. అన్నంత పని చేశాడు. అమె నుంచి బలవంతంగా విడాకులు పొందేందుకు తన ముగ్గురు స్నేహితులతో ఆమెపై సామూహిక అత్యాచారం చేయించాడు.

ఆలస్యంగా వెలుగు చూసిన ఈ ఘటన వివరాల్లోకి వెళ్తే... పంజాబ్ లోని లూధియానాలో బాధితురాలు మూడేళ్లక్రితం కూలి పని చేసే వ్యక్తిని వివాహం చేసుకుంది. వారిద్దరికీ అది రెండో వివాహమే. అయితే అమెపై వున్న మోజుతోనే పెళ్లి చేసుకున్న కామాంధుడు.. దాంపత్య జీవితంలో పిల్లలు కనడానికి మాత్రం అయిష్టత వ్యకత్ం చేశాడు. అయితే ఈ క్రమంలో బాగంగా ఒకటి కాదు రెండు కాదు మూడేళ్ల దాంపత్య జీవినంలో కనీసం 8 సార్లు అమెకు అబార్షన్ చేయించాడు.

ఇలా లాభం లేదని భావించాడో ఏమోకానీ.. ఆ తర్వాత ఏకంగా పిల్లలు పుట్టకుండా ఆపరేషన్ కూడా చేయించాడు. అయితే విషయం తెలిసిన అమె అతడ్ని నిలదీయడంతో.. తనను అమెంటే ఇష్టం లేదని తనకు విడాకులివ్వాలని బాధితురాలిని వేధించసాగాడు. అయితే అందుకు ఆమె నిరాకరించింది. పిల్లలు పుట్టకపోయినా పర్వాలేదు కానీ భర్తను వదిలేయడం ఇష్టం లేదని, తాను విడాకులు ఇవ్వనని తేల్చిచెప్పింది.

దీంతో విడాకులు ఇవ్వకపోతే తాను అమెపై గ్యాంగ్ రేప్ చేయిస్తానని కూడా చాలా సార్లు హెచ్చరించిన భర్త మాటలను అమె లైట్ గా తీసుకుంది. అయితే ఆమెను ఎలాగైనా వదిలించుకోవాలని భావించిన సదరు భర్త మాత్రం అన్నంత పని చేశాడు. గత జూన్ 6న తన ముగ్గురు స్నేహితులను ఆమె గదిలోకి పంపి తాళం వేశాడు. దీంతో రెచ్చిపోయిన ఆ కామాంధులు ఆమెపై సామూహిక అత్యాచారానికి పాల్పడ్డారు. దీనిపై ఆమె పోలీసులకు ఫిర్యాదు చేయగా పెద్దగా పట్టించుకోలేదు. తాజాగా ఇది మరోసారి వివాదంగా మారడంతో సామూహిక అత్యాచారం కింద కేసు నమోదు చేసి, దర్యాప్తు ప్రారంభించారు.