అమెరికాలో మళ్లీ కాల్పుల కలకలం.. ముగ్గురు మృతి

Posted: 11/02/2017 11:07 AM IST

న్యూయార్క్ నగరంలో ఉగ్రవాదులు అద్దె ట్రక్కుతో సృష్టించిన మారణకాంఢ విషాధాఛాయలు, ఘటన తాలుకు గుర్తులు కూడా ఇంకా చెరిగిపోకముందే.. అమెరికాలోని కొలరాడో రాష్ట్రం మరో బీభత్సకాండకు మూగసాక్షిగా నిలిచింది. కొలరాడోలోని వాల్ మార్ట్ స్టోర్ లో ఓ వ్యక్తి తుపాకితో కస్టమర్లపై విరుచుకుపడ్డాడు. ఈ ఘటనలో ఇప్పటికే ముగ్గురు చనిపోగా, మరికొందరు తీవ్రగాయాలపాలయ్యారని సమాచారం. మృతుల సంఖ్య మరింత పెరుగుతందని అధికారులు తెలిపారు.

భారత కాల మానం ప్రకారం ఇవాళ ఉదయం కొలరాడొ రాష్ట్రం థోర్న్‌టన్ నగరంలోని ఓ షాపింగ్ మాల్ లో ఈ ఘటన చోటుచేసుకుంది. ఘటనలో ఇప్పటిదాకా ఇద్దరు మృతి చెందగా, ఒకరు గాయపడినట్లు అధికారులు చెబుతున్నారు. సబర్బన్‌ డెన్వర్ లోని వాల్ మార్ట్ షాపింగ్ మాల్ లో తుపాకీ మోత మోగినట్లు తెలుస్తోంది. ఘటన గురించి సమాచారం అందుకున్న పోలీసులు ఆ ప్రాంతాన్ని తమ అదుపులోకి తీసుకున్నారు.

మాల్ చుట్టుపక్కలకు వెళ్లొద్దని స్థానికులకు పోలీసులు సూచించారు. పరిస్థితి తమకూ సరిగ్గా తెలీటం లేదని.. చాలా మందికి గాయాలైనట్లు ఓ అధికారి వ్యాఖ్యానించారు. ఐదు నుంచి ఆరు రౌండ్ల కాల్పులు జరిగాయని.. మాల్‌లో ఉన్న ప్రజలు భయంతో కేకలు వేశారని మార్ట్ ఉద్యోగి ఒకరు తెలిపారు. స్థానిక ఛానెళ్లు మాత్రం 30 రౌండ్ల దాకా కాల్పులు జరిగాయని, 9 మంది గాయపడ్డారని చెప్పటం గమనార్హం.

ఈ ఘటనలో ఇప్పటికే ముగ్గురు మరణించారని అధికారులు దృవీకరించారు. ఇద్దరు పురుషులు ఘటనాస్థలంలోనే చనిపోగా, మరో మహిళ మాత్రం అస్పత్రిలో చికిత్స పోందుతూ మరణించిందని తెలిపారు. ఈ ఘటనను ఉగ్రదాడి కోణం లేదని చెప్పలేమని అంటూనే.. ఉగ్రదాడి నేపథ్యంలో కాల్పులు జరిగినట్టు కూడా అధారాలు లేవని అధికారులు చెప్పారు. ఇందుకు సంబంధించి మరిన్ని వివరాలను అధికారులు తెలియాజేయాల్సి ఉంది.

#BREAKING: Police say suspect in Walmart shooting IS AT LARGE; 48 witnesses taken by bus to police station - KWGNhttps://t.co/T0S5bweXJZ pic.twitter.com/E1tMsbd9IQ

— Breaking911 (@Breaking911) November 2, 2017