కొత్త పీసీసీ చీఫ్ తో ఏంటి లాభం?

Posted: 10/05/2017 06:05 PM IST

ఆంధ్రప్రదేశ్ లో పార్టీ ప్రస్తుతానికైతే పునాదులతో సహా గల్లైంతన విషయం తెలిసిందే. ఆ పార్టీ చీఫ్ రఘువీరారెడ్డి పదవీ కాలం ముగియటంతో ఆయన్ను మరికొంత కాలం కొనసాగించే ఉద్దేశ్యంలో అధిష్టానం ఏ మాత్రం లేదు. ఇప్పటిదాకా ఆయన సాధించిన ఘనతలే అందుకు కారణం. దీంతో కొత్త చీఫ్ ఎంపిక ఖాయమేనే సంకేతాలు అందించింది అధిష్టానం.

అఖిల భార‌త కాంగ్రెస్ క‌మిటీ మార్గ‌ద‌ర్శ‌కాల‌తో ఈ నెల 10న ఏపీసీసీ అధ్య‌క్షుడి ఎన్నిక జ‌రుగుతుంద‌ని కేంద్ర మాజీ మంత్రి, ఎంపీ మునియ‌ప్ప అన్నారు. ఈ మేర‌కు ఆయ‌న ఈ రోజు విజ‌య‌వాడ‌లోని ఏపీసీసీ కార్యాల‌యం నుంచి ఓ ప్ర‌క‌ట‌న విడుద‌ల చేశారు. పార్టీ సంస్థాగ‌త ఎన్నిక‌ల ప్రక్రియ‌లో భాగంగా నూత‌నంగా ఎన్నికయిన 278 పీసీసీ స‌భ్యులతో విజ‌య‌వాడ‌లోని ఐవీ ప్యాలెస్‌లో ఈ నెల 10న నిర్వహించనున్నట్లు ప్రకటించారు.

ఉద‌యం 10 గంట‌ల‌కు మొదటి స‌మావేశం జ‌రుగుతుంద‌ని చెప్పారు. ఈ స‌మావేశంలోనే ఏపీసీసీ కార్య‌వ‌ర్గ స‌భ్యులు కూడా ఎన్నుకోబ‌డ‌తార‌ని అన్నారు. అయితే ఇప్పటికే సీనియర్ నేతలంతా ఒక్కోక్కరుగా ఈ ఎన్నికకు దూరంగా ఉండాలని భావిస్తున్నారు. మరోపక్క ఎవరి దాిర వాళ్లు చూసుకుంటున్నారు. ఈ నేపథ్యంలో కొత్త పీసీసీ చీఫ్ ఎంపిక పార్టీకి ఏ మేర లాభం చేకూరుస్తుందన్నది అనుమానమేనన్నది విశ్లేషకుల మాట.