వాళ్లిద్దరినీ కాల్చిన తుపాకీ ఒక్కటేనా..? హంతకులు కూడానా..?

Posted: 09/13/2017 04:37 PM IST

Gauri lankesh kalburgi were killed with same pistol suggests probe

సామాజిక కార్యకర్త, ప్రముఖ పాత్రికేయురాలు గౌరి లంకేష్‌ హత్యతో యావత్ దేశం ఒక్కసారిగా ఉలిక్కిపడగా, ఇప్పడు ఈ కేసులో తాజాగా తేలిన మారో విషయంతో వామఫక్ష నేతలు, వామపక్ష భావాలు కల్గిన నేతలలో అందోళనను రేపుతుంది. దేశవ్యాప్తంగా సంచలనం రేపిన గౌరీ లంకేష్ ను ముష్కరమూక కాల్చిచంపడానికి కారణాలు తెరపైకి అప్పుడే రాకపోయినా.. ఈ కేసు దర్యాప్తులో మాత్రం అనేక కీలక విషయాలు వెలుగుచూస్తున్నాయి. అవి దేశంలోని వామపక్ష బావజాలం వున్నవారిందరినీ కలవరపరుస్తున్నాయి.

గౌరి లంకేష్ ను తుపాకీ తో కాల్చి చంపిన హంతకులు.. 7.65ఎంఎం కాలిబర్‌ దేశీయ పిస్తోల్ తో హతమార్చినట్లు పోలీసు విచారణలో భాగంగా జరిపిన ఫోరెన్సిక్‌ దర్యాప్తులో తేలింది. సరిగ్గా రెండేళ్ల క్రితం అగస్టులో ప్రముఖ కన్నడ స్కాలర్ అయిన ఎంఎం కల్బుర్గీ కూడా తన నివాసంలోనే గుర్తు తెలియని వ్యక్తుల చేతిలో మరణించాడు. అయితే ఈ రెండు హత్యలలో నిందితులు వాడిన తుపాకీ మాత్రం ఒక్కటేనని, రమారమి రెండు ఘటనల్లో తుపాకీలు 80 శాతానికి పైగా పోలినవిధంగానే వున్నాయని దర్యాప్తు నివేదిక స్పష్టం చేస్తుందని అధికారులు తెలిపారు. దీంతో ఈ దిశగా దర్యాప్తు చేపట్టాలని ఫోరెన్సిక్‌ నిపుణులు సూచించారు.

తమ వద్దనున్న సమాచారం ప్రకారం.. ఈ రెండు నేరాల్లో వాడిన ఆయుధాలు 80శాతం ఒకేలా ఉన్నాయని చెప్పిన అధికారులు ఇందుకు సంబంధించిన నివేదికను గౌరీలంకేష్ హత్య కేసులో కర్ణాటక ప్రభుత్వం వేసిన ప్రత్యక దర్యాప్తు బృందానికి ఈ మేరకు నివేదిక అందిజేసినట్లు తెలిపాయి. దీంతో ఈ రెండు హత్యలను చేయాలని ఒకే ముఠా చేసిందా..? ఒకే ముఠాకు సుపారీ తీసుకుందా..? అన్న అనుమానాలు కూడా పోలీసులలో ఉత్పన్నమవుతున్నాయి.