అవును నిజంగానే మనిషనేడు మాయమైపోతున్నాడు. అందివచ్చిన సాంకేతిక విప్లవం నేపథ్యంలో సోషల్ మీడియాకు దెగ్గరవుతున్న మనిషి.. సాటి మనిషి పట్ల మాత్రం కనీసం మానవత్వాన్ని ప్రదర్శించడం లేదు. నడిరోడ్డుపై ఒక యువతి తనకు సాయం చేయాలని అర్థిస్తున్నా.. అక్కడున్న వాళ్లలో ఒక్కరు కూడా సాయం అందించలేదు. కేవలం వేడుకను చూస్తూ వుండిపోయాయి. గొంతు తెగి రక్తమోడుతున్న యువతిని అమె వివరాలు తెలుసుకునేందుకు కొందరు అసక్తి చూసారే తప్ప.. సాయం మాత్రం అందించలేదు.
ఇక మరికొందరు మాత్రం బాధితురాలు ఎలా భాదపడుతుందన్న వైనాన్ని తమ సెల్ ఫోన్లలలో చిత్రీకరించడంలో బిజిగా వున్నారు. అమె అనుభవిస్తున్న భాధను, ఉభికి వస్తున్న కన్నీళ్లను దిగమింగుకుని సాయం చేస్తారని ఎదురుచూస్తున్న నిరీక్షణను అర్థం చేసుకోలేని వారు కూడా మనుషల జాబితాలోకి వస్తారా..? వీళ్లకు ఓటర్ కార్డులు, అధార్ కార్డులు, సెల్ ఫోన్లు అవసరమా..? మచ్చకైన మానవత్వంతో వ్యవహరించి బాధితురాలని అస్పత్రికి తరలించేందుకు ధైర్యం చేయని వీళ్లు మనుషలేనా.. వీళ్లకు మనస్సనేది వుందా..? అన్న అనుమానాలు రాక తప్పవు. సాయం కోసం సుమారు రెండు గంటల పాటు ఎదురుచూస్తు నీరిక్షించిన అమె.. అలా ఎదరుచూస్తూనే అనంతవాయువులలో కలసిపోయింది
ఈ ఘటన పది రోజుల క్రితం నిర్మల్ జిల్లా సరిహద్దులోని మహారాష్ట్ర కుబీర్ మండలం నిగ్వా గ్రామంలో జరిగింది. మహారాష్ట్ర భోకర్ తాలుకా కేర్బాన్ గ్రామంలోని పూజ అనే 21 ఏళ్ల యువతి తమ ఇంటి పక్కనుండే గోవింద్ అనే యువకుడితో ప్రేమలో పడింది. ఇద్దరూ పెళ్లి చేసుకోవాలనుకున్నారు. అయితే బిసి కులంలో పుట్టి.. దళితుడ్ని పెళ్లి చేసుకునేందుకు అంగీకరించిన పూజ తల్లిదండ్రులు ఆమెకు మరో వ్యక్తితో పెళ్లి చేశారు. అయితే నెల తర్వాత పుట్టింటికి వచ్చిన పూజ.. గోవింద్ తో కలసి బతికేందుకు ఇష్టపడి.. ఎవరికీ చెప్పకుండా వెళ్లిపోయారు. ఇంతలో పూజ తమ్ముడు దిగంబర్ పూజకు ఫోన్ చేసి..తిరిగి వస్తే మీ ఇద్దరికీ పెళ్లి చేస్తామని నమ్మించాడు.
అది నమ్మిన పూజ తాము నిగ్వా వైపు వెళుతున్నామని చెప్పింది. వెంటనే ఆ ప్రాంతానికి చేరుకున్న దిగంబర్.. పూజ, గోవింద్లపై కత్తితో విరుచుకు పడ్డాడు. ఈ దాడిలో గోవింద్ అక్కడికక్కడే ప్రాణాలు వదిలాడు. పూజను ఏకంగా గొంతు కోసేశాడు. తీవ్రంగా గాయపడ్డ పూజ రోడ్డుపై పడిపోయింది. ఆమె చనిపోయిందని భావించిన దిగంబర్ అక్కడి నుంచి పారిపోయాడు. అలా రోడ్డుపై పడి ఉన్న పూజ రెండు గంటల పాటు ప్రాణాల కోసం అల్లాడిపోయింది. ఒక్కరంటే ఒక్కరు కూడా ఆమెకు చిన్న సాయం కూడా అందించలేదు సరికదా ఆమె చనిపోతున్న తీరును ప్రతిక్షణం వీడియో తీసి ఆనందించారు.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more