నటితో తాగుబోతు వ్యాపారి వెకిలివేషాలు..

Posted: 07/17/2017 03:03 PM IST

Drunk businessman molests actress in cinema hall

బాలీవుడ్, మరాఠీ సినిమాల్లో చిన్న పాత్రలలో నటించే ఓ నటికి ముంబైలో పరాభవం ఎదురైంది. తన కూతురితో కలసి స్థానకింగా వున్న మీరా థియేటర్ లో సినిమా చేసేందుకు వెళ్లిన నటిపై ఓ త్యాగుబోతు అసభ్యంగా ప్రవర్తించాడు. అమెపై లైంగిక వేధింపులకు పాల్పడ్డాడు. ఏకంగా అమె నడుముచుట్టూ చేయి వేసి.. అఘాయిత్యానికి పాల్పడ్డాడు. తాగుబోతు అకస్మాత్తు చర్యలతో షాక్ కు గురైన నటి.. వెంటనే తేరుకుని థియేటర్ సెక్యూరిటీ గార్డుల సాయంతో తాగుబోతును పోలీసులకు అప్పగించింది.

తన కూతురు ఎదుటే తాగుబోతు వికృతమైన చేష్టలకు పాల్పడి. వెకిలి వేషాలతో వేధించాడని అమె పోలీసులకు ఇచ్చిన పిర్యాదులో పేర్కొంది. తన కుమార్తెతో కలసి ముంబైలోని మీరా రోడ్డులో ఉన్న థియేటర్లో సినిమా చూడ్డానికి వెళ్లగా..పీకల దాకా తాగిన ఓ వ్యక్తి, తన మిత్రులతో కలసి అదే థియేటర్ కు వచ్చాడని పేర్కొంది. సినిమా ప్రారంభం కాగానే తాగుబోతు సహా మిత్రులందరూ కలసి కేకలు, అరుపులు వేయడంతో తాను జోక్యం చేసుకుని.. తాము కూడా సినిమాను చూడటానికే వచ్చామని, అరిస్తే మాకు అర్థం కాదని నిధానంగా వుండాలని కోరింది.

దీంతో మౌనంగా కూర్చుండిపోయిన తాగుబోతు బ్యాచ్.. సినిమా అయిపోగానే తనను వెళ్లకుండా అడ్డుకుని అందరూ చూస్తుండగానే విచక్షణ కోల్పోయి, తనతో అసభ్యంగా ప్రవర్తించాడని అమె పిర్యాదులో పేర్కోన్నారు. తొలుత షాక్ కు గురైన తాను తరువాత తేరుకుని, సెక్యూరిటీ గార్డులను పిలిచానని, వారు రావడంతో తాగుబోతును పట్టుకుని వెంటనే పోలీసులకు సమాచారం అందించారని తెలిపింది. కాగా తాగుబోతు స్థానిక వ్యాపారి సునీల్ జానీగా పోలీసులు గుర్తించారు. నిందితుడ్ని అదుపులోకి తీసుకున్న పోలీసులు అతనిపై ఐసీపీ సెక్షన్లు 354, 509 కింద కేసు నమోదు చేశారు. అయితే ఈ నటి భర్త కూడా ఓ నటుడు కావడం గమనార్హం. అమె భర్త కొనేళ్ల కిందట మరణించారు. ఆయన అటు బాలీవుడ్, ఇటు మరాఠీ చిత్రాలలో కమేడియన్ గా నటించారు.