విశాఖలో దారుణం: స్టార్ హోటల్ ఉద్యోగినిపై గ్యాంగ్ రేప్

Posted: 06/09/2017 11:55 AM IST

విశాఖపట్నంలో దారుణం జరిగింది. ఓ స్టార్‌ హోటల్ ఉద్యోగినిపై ఇద్దరు దుండగులు అత్యాచారానికి పాల్పడ్డిన ఘటన విశాఖలోని వూడా పార్కు వద్ద చోటుచేసుకుంది. బాధితురాలు ఫిర్యాదుతో త్రీటౌన్ పోలీసులు... ఇద్దరు యువకులపై మూడు సెక్షన్ల కింద కేసు నమోదు చేసి దర్యాప్ుత చేప్టటారు. వివరాల్లోకి వెళ్తే.. స్టార్ హోటల్ లో గతంలో ఉద్యోగం చేసిన శ్రీధర్.. అదే హోటల్ లో ఇప్పటికీ విధులు నిర్వహిస్తున్న బాదితురాలితో స్నేహం ఏర్పర్చుకున్నాడు.

అయితే బాధితురాలు కూడా మద్యం సేవిస్తుందని తెలుసుకున్న శ్రీధర్.. గతంలో అమెతో ఒకటి రెండు పర్యాయాలు హోటల్ లోనే మద్యం సేవించాడు. దీంతో అమెతో శ్రీధర్ కు కొంత సన్నిహిత్యం ఏర్పడింది. దానినే అదనుగా చేసుకుని అమెకు ఫోన్ చేసిన తాను పార్టీ ఇస్తున్నానని.. తప్పనిసరిగా రావాలని కోరాడు. సరే స్నేహితుడే కావడంతో ఆ ఉద్యోగిని కూడా అక్కడకు నిర్భయంగా వెళ్లింది. అయితే శ్రీధర్ తో పాటు అతని స్నేహితుడ్ని కూడా చూసి షాకైన బాధితురాలు.. తాను మద్యం తాగనని చెప్పింది. అయినా బలవంతం చేసిన శ్రీధర్ అమెతో మద్యం తాగించాడు.

ఆ తరువాత యువతిని తన హోటల్ వద్ద దిగబెడతామని చెప్పి.. వుడా పార్క్‌ సమీపంలోని నిర్జన, నిషీది ప్రాంతానికి తీసుకువచ్చారు. అక్కడ తన స్నేహితుడితో కలసి అమెపై లైంగిక దాడికి పాల్పడ్డాడు. స్నేహితురాలన్న కనికరం కూడా లేకుండా ఇద్దరు పైశాచిక మృగాళ్లు యువతిపై సామూహిక అత్యాచారానికి పాల్పడ్డారు. అనంతరం ఆమెను వుడా పార్కు రోడ్డుపై వదిలేసిపారపోయారు. ఈ ఘటనపై పోలీసులు విచారణ చేపట్టి, యువతిని వైద్య పరీక్షల నిమిత్తం ఆస్పత్రికి తరలించారు. నిందితులు ఇద్దరు ప్రస్తుతం పరారీలో ఉన్నారని పోలీసులు తెలిపారు.