ఈ ఖైదీ డిమాండ్ విన్నారో అవ్వాకవ్వాల్సిందే..!

Posted: 05/10/2017 06:55 PM IST

కామా తురానా: నభయం నలజ్జ అన్న  విధంగా జైలు గోడల మధ్య వున్నా ఈ ఖైదీలో పరివర్తన రాకపోగా తమ జీవితాలు ఆరోగ్యకరంగా వుండేందుకు చట్టంలో మార్పులు తీసుకురావాలని డిమాండ్ చేస్తున్నాడు ఈ ఖైదీ. మంచి భోజనం కోసమో, సౌకర్యాల కోసమో ఖైదీలు ఆందోళనలు చేయడం సాధారణ విషయమే కానీ.. నవ్విపోదురు గాక నాకేటీ సిగ్గు అన్నట్లుగా వుండి ఈ ఖైది డిమాండ్. తమ శరీరంలోని వేడిని తగ్గించేందుకు చట్టంలో మార్పులను తీసుకురావాలని డిమాండ్ చేస్తున్నాడు. తమ డిమాండ్ ను అమలు పరిస్తే జైలుగోడల మధ్య పెద్ద సంఖ్యలో వున్న యువఖైదీల శాంతియుతంగా మెసిలేందుకు అవకాశముంటుందని కూడా వాదిస్తున్నాడు. అసలు ఈ ఖైదీ డిమాండ్ ఏంటో చూద్దామా..!

బ్రిటన్ లోని నాటింగ్ హమ్ షైర్ ప్రాంతంలోని హెఛ్ ఎం పి గ్రామేంజ్ జైలులో 17 ఏళ్ల కారాగారశిక్షను అనుభవిస్తున్న ఖైదీ ఈ వింత డిమాండ్ ను తెరపైకి తీసుకువచ్చి.. వార్తల్లో నిలిచాడు. మాదకద్రవ్యలను బ్రిటెన్ కు తీసుకురావడంలో కీలకంగా వ్యవహరించిన ఓ కంపెనీకి మేనేజింగ్ డైరెక్టర్ గా వ్యవహరిస్తున్న జాక్‌ స్వారేజ్‌.. ఏకంగా జైలు వెబ్ సైట్‌ వేదికగా తాజా డిమాండ్ ను తెరపైకి తీసుకోచ్చాడు. అయితే స్వారేజ్ కు అనూహ్యంగా బయటి నుంచి మద్దతు ప్రకటిస్తున్న వారి సంఖ్య కూడా అధికమైంది.

ఇంతకీ సార్వేజ్ డిమాండ్ ఏంటో తెలిస్తే అవ్వాక్కవ్వాల్పిందే. ఏళ్లుగా జైలు గోడల మధ్య జీవనం సాగిస్తున్న ఖైదీలకు సెక్స్‌ డాల్స్‌ కావాలన్న డిమాండ్ తో సార్వేజ్ ప్రచారం చేపట్టాడు. చాన్నాళ్లుగా జైలు లోపలి పరిస్థితులను నిశితంగా గమనించిన ఆయన.. సమాజం ఆశించిన మేరకు ఖైదీలలో పరివర్తన రావాలంటే తరచూ శృంగార కార్యకలాపాలకు అనుమతి ఇవ్వాల్సిందేనని వాదిస్తున్నాడు. అందుకే ఖైదీలు సెక్స్‌ డాల్స్‌ను వినియోగించుకునేలా చట్టాలు సవరించాలని డిమాండ్‌ చేస్తున్నాడు. ఇందుకోసం ప్రభుత్వం ప్రత్యేకంగా పైసా ఖర్చుపెట్టాల్సిన అవసరం ఉండదని, ఖైదీల సొంత డబ్బుతోనే రబ్బరు బొమ్మల్ని కొనుక్కునే వీలు కల్పించాలని కోరుతున్నాడు.