నటి నివాసానికి బాంబు బెదిరింపు.. పోలీసుల తనిఖీలు

Posted: 05/06/2017 05:47 PM IST

ప్రముఖ సినీ నటి, తమిళనాడు కాంగ్రెస్ నేత ఖుష్బూ నివాసానికి బాంబు బెదిరింపు వచ్చింది. అమె నివాసంలో బాంబు పెట్టామంటూ బెదిరింపు ఫోన్ కాల్ కలకలం రేపింది. తమిళనాడులోని ఖుష్బూ నివాసంలో బాంబు పెట్టినట్లు ఓ ఆగంతకురాలు ఫోన్ చేసింది. తమిళనాడు అంబులెన్స్, పోలీసు కాల్ సెంటర్ 108కు ఫోన్ చేసిన అగంతకురాలు అమె ఇంట్లో బాంబు పెట్టామని, త్వరలోనే అది పేలుతుందని హెచ్చరికాలు జారీ చేసింది.

దీంతో అప్రమత్తమైన కాల్ సెంటర్ సిబ్బంది ఇంట్లో వున్న ఖుష్బూ తదితరులకు ఫోన్ ద్వారా సమాచారం అందించి వెంటనే బయటకు రావాలని సూచించారు. వెనువెంటనే రంగంలోకి దిగిన బాంబు, డాగ్ స్క్వాడ్ తో ఖుష్భు నివాసంలో తనిఖీలు చేశారు. ఇ:టితో పాటు పరిసరాల్లో క్షుణ్ణంగా తనిఖీలు నిర్వహించారు. అయితే అది బెదిరింపు ఫోన్ కాల్ మాత్రమేనని గుర్తించారు. దీంతో ఖుష్బూకు బాంబు అంటూ చేసిన కాల్ చేసిన అగంతకురాలని కూడా అదుపులోకి తీసుకున్న పోలీసులు దర్యాప్తు ప్రారంభించారు. ఈ ఘటనకు సంబంధించి మరిన్న వివరాలు తెలియాల్సి వుంది.