ITEMVIDEOS: షర్టు విప్పి.. పోట్లాడుదాం.. రా.. అన్న మహిళ..! వీడియో వైరల్

Posted: 05/06/2017 11:18 AM IST

దేశ రాజధాని ఢిల్లీలోని ఓ మెట్రో రైలులో ఓ మహిళ తన చోక్కాను విప్పేసి.. మీరు పోట్లాడుతారా..? రండి అంటూ సవాల్ విసిరింది. ఈ వీడియో ప్రస్తుతం నెట్ లో వైరల్ గా మారింది. ఢిల్లీ శివారు గ్రేటర్‌ నోయిడా సహా పలు ప్రాంతాలలో ఆఫ్రికా వాసులపై జరిగిన జాతి వివక్ష దాడులు ఇటీవల  వెలుగు చూడటం.. వాటిపై కేంద్ర విదేశాంగ శాఖ మంత్రి సుష్మాస్వరాజ్ కూడా విచారణకు అదేశించడం, ఉత్తర్ ప్రదేశ్ ముఖ్యమంత్రి యోగీ అదిత్యనాథ్ నిష్పక్షపాత విచారణ జరిపిస్తామని హామీలు ఇవ్వడం జరిగినా.. ఇంకా అఫ్రికన్లపై మాత్రం జాతి వివక్ష కొనసాగుతూనే వుంది.

తాజాగా ఢిల్లీ మెట్రో రైలులో ఓ ఆఫ్రికన్ మహిళ షర్ట్ విప్పేసి తనతో గొడవపడిన వారిపై తీవ్ర నిరసన వ్యక్తం చేసింది. ఇద్దరు ఆఫ్రికన్ మహిళలు మెట్రో రైలులో వెళ్తుండగా సీటు లభించని కారణంగా వారు తోటి ప్రయాణికులతో వాదనకు దిగారు. రైలులో మహిళల కంటే యువకులే ఎక్కువగా ఉన్నా తమకు కూర్చునేందుకు సీటు ఇవ్వకపోవడంపై వారు మండిపడ్డారు. వారికి కేటాయించిన సీట్లలో కూర్చునేందుకు వారిని అనుమతించక పోవడంతో వాదన మొదలైంది. దీంతో ఆఫ్రికన్ మహిళలు ఇద్దరూ అక్కడున్న మిగతా ప్రయాణికులతో వాదనకు దిగారు. కాసేపటి తర్వాత ఒకామె మరో మహిళను సీటులో కూర్చోబెట్టింది.

అతర్వాత కూడా మహిళలకు, యువకులకు మధ్య గొడవ జరుగుతూనే ఉంది. వీరిద్దరినీ బయటకు తోసేయండి అంటూ కొందరు యువకులు అన్నారు. దీంతో ఇదేనా మీ ప్రవర్తన.. మహిళలతో ఇళాగే నడుచుకుంటారా..? అంటూ మరో మహిళ ప్రయాణికులపై మండిపడింది. అంతటితో అగకుండా తన షర్ట్‌ విప్పేసి కొట్లాటకు రండి అంటూ యువకులను ఉద్దేశించి ఆగ్రహం వ్యక్తం చేసింది. దీంతో అక్కడున్నవారంతా షాకయ్యారు. కొందరు జోక్యం చేసుకుని మహిళలకు నచ్చజెప్పే ప్రయత్నం చేశారు. ఈ మొత్తం తతంగాన్ని ఎవరో వీడియో తీసి సోషల్ మీడియాలో పోస్ట్‌ చేయడంతో అది కాస్తా హల్ చల్ చేస్తుంది.