ITEMVIDEOS: చుక్కలు చూపించిన చిరుత

Posted: 04/20/2017 08:49 AM IST

ఎప్పుడూ అటవీలో ఉండటం మూలానో, లేక తమ మొహాలే చూసుకుని ఉండటం మూలానో... బోర్ కొట్టి పక్కనే ఉండే ఊళ్లలోకి అప్పడప్పుడూ విజిటింగ్ కు వెళ్తూ జనాలకు అలా హాయ్ చెప్పి వస్తుంటాయ్ కొన్ని జంతువులు. ఈ క్రమంలో వాటిని చూసి భయపడుతూనే వెంటపడే మనుషులు, రక్షణ కోసం మూగ జీవాల తాపత్రయం ఇలా ఆ కన్ఫ్యూజన్ లో ఒకరిపై ఒకరు దాడులు అనేవి సర్వసాధారణంగా మారిపోయింది.

ఒడిషా లో కూడా ఇప్పుడు ఇలాటి ఘటనే జరిగింది. బాలన్ గిర్ జిల్లాలోని ఓ ఊళ్లోకి ప్రవేశించిన చిరుత మొత్తం కలియ తిరుగుతూ జనాలకు చుక్కలు చూపించింది. అంతేనా తనను పట్టుకోవటానికి వచ్చిన అటవీ అధికారికి ఎలా హాయ్ చెప్పిందో ఇక్కడ చూడండి. 

 

ఓ పెంకుటిల్లుపై ఎక్కిన ఫారెస్ట్ రేంజ్ అధికారి దానిని పట్టుకునేందుకు యత్నించాడు. వెంటనే ఎదురు దాడికి దిగిన చిరుత అతనిపైకి దూకేసింది. ఈ క్రమంలో ఆ ఇంటిపై నుంచి అతను గాల్లోకి దూకటం, అది కూడా అతనితో పాటే అమాంతం ఎగిరి గాయపరచటం జరిగిపోయాయి. ఇక తర్వాత ఇంకో ఇంట్లోకి దూరిన చిరుత ఇంటి పై కప్పును చీల్చుకుంటూ బయటకు దూకి జనాలను తరిమింది. జనాల వెంట పడుతూ ఉ* పోయించింది. ఈ దాడిలో ఫారెస్ట్ అధికారితోపాటు ఓ చిన్నారి, ఓ యువకుడికి గాయాలయ్యాయి. 

చివరకు భారీ ఎత్తున్న ఫారెస్ట్ అధికారులు రంగ ప్రవేశం చేసి బోను సాయంతో చిరుతను బంధీ చేయగలిగారు. మొత్తం మీద యాక్షన్ సినిమాలకు తలపించేలా చిరుత చేసిన ఛేజ్ వీడియో నెట్ లో వైరల్ గా మారాయి. మొన్నామధ్యే గుజరాత్ లో ఓ బిజీ హైవేపై సింహాలు అడ్డంగా కూర్చుని బ్లాక్ చేసిన విషయం గుర్తుంది కదా.