ITEMVIDEOS: పెంకి పెళ్లాంపై మొండి మొగుడి ప్రతీకారం భలారే..!

Posted: 04/12/2017 11:49 AM IST

Russian husband revenge to wife with concrete

విడాకులు ఇచ్చిన తన భార్యపై ప్రతీకారం తీర్చుకోవాలని రగలిపోయిన ఓ భర్త.. అమెను కోట్టకుండా, తిట్టకుండా.. అసలు తాను సీన్ లోకే రాకుండా జరిమానాలతో కసితీర్చుకున్న భర్త ఘటనను మర్చిపోకముందే.. ఇదే తరహాలో వ్యవహరించిన మరో భర్త మొండితనం కూడా వెలుగులోకి వచ్చింది. రష్యాకు చెందిన ఓ భర్త.. తన మాటను కాదంటుందని అమెపై ప్రతీకారం తీర్చుకునేందుకు వేసిన వెదవ ఐడియా కాస్తా ప్రస్తుతం సోషల్ మీడియాలో వైరల్ గా మారింది.

రష్యాలోని మాస్కోలో వెనియ్ అనే సూపర్ మార్కెట్ ఒక బంపర్ ఆఫర్ ప్రకటించడంతో దానికి ముచ్చటపడిన భార్య.. తాను ఆ ఆఫర్ లో పాల్గోంటున్నానని భర్తను అడిగింది. దానికి భర్త ససేమిరా అన్నాడు. ఇంతకీ ఆ ప్రకటన ఏంటో తెలుసా..? ఎవరైతే తమ ఇంటి పేరు మార్చుకుని, అధికారికంగా తమ సూపర్ మార్కెట్ పేరు పెట్టుకుంటారో వారికి ప్రతినెలా 50,000 రూబెల్స్ (మన కరెన్సీలో 56,000 రూపాయలు) ఇస్తామని ప్రకటించింది. ప్రతీ నెల కష్టపడకుండానే వస్తాయంటే ఎవరు మాత్రం వద్దంటారు. అంతే ఆ భార్య కూడా భర్త వద్దకెళ్లి తాను కూడా అందులో పాల్గోంటానని చెప్పింది.

అయితే పెద్దగా లౌక్యం లేనిది కాబోలు అందుకనే భర్తకు ఉన్న విషయం మొత్తం చెప్పింది. తాను ఆ ఆఫర్ ను తీసుకుంటానని కాకుండా.. తన ఇంటిపేరు మార్చుకుంటానని చెప్పింది. అంతే ఇది విన్న భర్త అగ్గిమీద గుగ్గిలం అయ్యారు. దీంతో ఇద్దరి మధ్య వాగ్వాదం, మనస్పర్థలు, అభిప్రాయ బేధాలు అన్ని వచ్చి చేరాయి. అంతేకాదు.. ఏకంగా భర్తనే వద్దనుకునే స్థాయికి వెళ్లింది ఆ భార్యమణి. ఇద్దరి మధ్య జరిగిన వాగ్వాదంతో ఇక కలిసి ఉండాల్సిన అవసరం లేదంటూ కూడా భార్య దురుసుగా సమాధానం చెప్పింది.

డబ్బుల కోసం ఇంటిపేరును కూడా తృణప్రాయంగా మార్చుకోగల తన భార్య మనస్తత్వంపై లోలోన రగిలిపోయిన భర్త.. అమెకు బుద్ది చెప్పాలనుకున్నాడు. అమె అన్న ప్రతీ ఒక్క మాట గుర్తుకు వచ్చి.. కుతకుతలాడిపోయాడు. అమెకు అమితంగా ఇష్టమైన కారుతో అమెకు బుద్ది చెప్పాలనుకున్నాడు. ఏం చేశాడో తెలుసా..? ఒక కాంక్రీటు సిమెంటు ట్రక్కును రప్పించి, తన భార్య కారులో డ్రైవింగ్ సీటుతో పాటుగా.. స్టీరింగ్ వరకు నిండుకునేలా.. నిండా కాంక్రీట్ ను నింపేశాడు. దీనిని వీడియో తీసి సోషల్ మీడియాలో పోస్టు చేశాడు.. అది కాస్తా వైరల్ అయ్యింది.