మైఖేల్ జాక్సన్ ది హత్యే.. అరోపించిన పారిస్ జాక్సన్

Posted: 01/25/2017 05:51 PM IST

ప్రముఖ, అమెరికన్‌ పాప్‌ సింగర్‌, గ్రేట్‌ డ్యాన్సర్‌ మైఖెల్‌ జాక్సన్‌ ఓవర్ డోస్ మందులు వాడటం వల్ల చనిపోయాడని దాదాపుగా ఏడేళ్లుగా యావత్ ప్రపంచం బావిస్తున్న నేపథ్యంలో తన తండ్రిది ముమ్మాటికీ హత్యేనని.. ఆయనను ఓ పథకం ప్రకారం హత్య చేశారని ఆయన కూతురు ప్యారిస్‌ జాక్సన్‌ ఆరోపించారు. 2009లో తన తండ్రి చనిపోయిన సమయంలో జరిగిన పరిణామాలన్నీ కూడా ఒక సెటప్‌ అని, ఆ రోజు ఓ కట్టుకథ చెప్పి తన నోరు మూయించారని చెప్పుకోచ్చింది. తొలిసారి రోలింగ్ స్టోన్ అనే మ్యాగజీన్ కు ఇచ్చిన సుదీర్ఘ ఇంటర్వ్యూలో భావోద్వేగానికి లోనైన అమె తనను కూడా చంపేస్తారని అందోళన వ్యక్తం చేసింది.

తన తండ్రి మాదిరిగానే తనను కూడా గుట్టుచప్పుడు కాకుండా చంపేస్తారని, తన మరణంపై కూడా ఓ కట్టుకథ చెప్పి ప్రపంచాన్ని నమ్మిస్తారని భయాందోళన వ్యక్తం చేసిన అమె.. ఇందులో భాగంగా తాను 18 ఏళ్ల వయస్సులో వుండగా తనపై గుర్తుతెలియని అగంతకుడు లైంగిక దాడికి కూడా పాల్పడ్డాడని చెప్పింది. లైంగిక దాడికి సంబంధించిన వివరాలను ఇంతకుమించి తాను వెల్లడించలేనని చెప్పిన పారిస్ జాక్సన్.. దాని నుంచి తాను కోలుకోవడానికి ఏడాది పాటు ఉతాహ్ లో చికిత్స పోందానని చెప్పింది.

శక్తిమంతమైన అనాస్తెటిక్‌ ప్రొపొఫోల్ ఓవర్‌ డోస్‌గా తీసుకోవడంవల్లే మైఖెల్‌ జాక్సన్‌ చనిపోయాడని అందరూ భావిస్తున్నా.. జాక్సన్‌ కూతురు ప్యారిస్‌ జాక్సన్ మాత్రం జనాలను తప్పుదోవ పట్టించేందుకు అలా ఓవర్‌ డోస్‌ అంటూ చెప్పారని, వాస్తవానికి తన తండ్రిని చంపేశారని, తనను కూడా ఏదో ఒకరోజు హత్య చేస్తారని ఆందోళన వ్యక్తం చేశారు. ఏ మాత్రం అనుమానం లేకుండా తన తండ్రి హత్యకు గురయ్యాడని, ఇదంతా కూడా ఒక పెద్ద కుట్ర అని.. జాక్సన్‌ కుటుంబ సభ్యులకు ఆయన అభిమానులకు ఈ విషయాలు తెలుసని, ఆరోజు జరిగిందంతా కూడా ఓ సెటప్‌ అని స్పష్టం చేశారు.