అలహాబాద్ హైకోర్టులో ప్రధానికి ఊరట.. పిటీషన్ కోట్టివేత

Posted: 12/07/2016 08:34 PM IST

ప్రధాని నరేంద్ర మోదీకి అలహాబాద్‌ హైకోర్టులో ఊరట లభించింది. వారణాసి లోక్‌సభ స్థానం నుంచి మోదీ ఎన్నికను సవాల్‌ చేస్తూ దాఖలైన పిటిషన్‌ ను రాష్ట్రోన్నత న్యాయస్థానం అలహాబాద్ హైకోర్టు కొట్టివేసింది. జస్టిస్‌ విక్రమ్‌ నాథ్‌ నేతృత్వంలోని సింగిల్‌ బెంచ్‌ ఈ మేరకు పిటీషన్ ను డిస్మిస్ చేశారు. 2014 ఎన్నికల్లో వారణాసి ఓటర్లను నరేంద్ర మోడీ ప్రలోభాలకు గురిచేశారని, అదే స్థానం నుంచి పోటీ చేసి ఓడిపోయిన కాంగ్రెస్ అభ్యర్థి అజయ్ రాయ్ న్యాయస్థానంలో పిటీషన్‌ దాఖలు చేశారు.

మోదీ నామినేషన్ పత్రాల్లో పేర్కొన్న వివరాల్లో తేడాలు ఉన్నాయని, ఎన్నికల ప్రచారానికి పరిమితికి మించి ఖర్చు చేశారని కక్షిదారు తన పిటీషన్ లో పేర్కోన్నారు. దీనిపై మోదీ తరపు న్యాయవాది ప్రాథమిక అభ్యంతరాలు విన్న అనంతరం జస్టిస్ విక్రమ్ నాథ్ ఆ పిటీషన్‌ను కొట్టివేశారు. విచారణకు జరపాల్సిన ప్రతాలేవి పిటిషనర్‌ సమర్పించలేదని న్యాయమూర్తి పేర్కొన్నారు. కక్షిదారు పూర్తి వివరాలు ఇవ్వలేదని అన్నారు. మీడియా కథనాల ఆధారంగా అరకొర సమచారంతో పిటిషన్‌ వేశారని అభిప్రాయపడ్డారు.