నడిరోడ్డుపై ప్రియుడితో కలసి యువతి ‘అతి’.. అరెస్టు

Posted: 08/24/2016 01:46 PM IST

Drunk bengaluru girl assaults cops in tamil nadu arrested

సభ్య సమాజంలో వున్నామన్న ధ్యాస కూడాల లేని ఓ యువ్వన జంట.. నడిరోడ్డుపై రోమాన్స్ చేశారు. ఓక వైపు మితిమీరిన వేగంతో ప్రియుడు టూవీలర్ ను నడుపుతండగా.. మరోవైపు ప్రియురాలు మాత్రం అతనిపై ముద్దుల వర్షం కురిపించడంతో మునిగిపోయారు. తమిళనాడులోని వేలూరు కోటలోని మక్కన్ జంక్షన్ వద్ద పూర్తిగా మధ్యం మత్తులో వున్న వీరి ధాటికి బైక్ నడపలేకపోయిన ఓ వాహనదారుడు వారి ర్యాష్ డ్రైవింగ్ పై నిలదీశాడు. అంతే ప్రియుడి వాహనం నుంది దిగిన బెంగుళూరుకు చెందిన 29 ఏళ్ల యువతి అతన్ని నానా విధాలుగా దుర్భాషలాడింది.

దీంతో అతడితో పాటు మరికోందరు వాహనదారులు కూడా అయనకు మద్దతుగా నిలచి ప్రేమజంటపై విరుచుకుపడ్డారు. అయితేనేం వారందరికీ అమె ఒక్కతే సమాధానం చెప్పడం, అసభ్యపదజాలంతో దుర్భాషలాడటంతో వారి మధ్య పెద్ద రాద్ధాంతమే జరిగింది. ఇంతలో సమాచారం అందుకున్న స్థానిక ఎస్ ఐ రాజ్ కుమార్ అక్కడికి వచ్చి పరిస్థితిని చక్కదిద్దే ప్రయత్నం చేశాడు. రంగంలోకి దిగన ఆయన యువతని సముదాయించేందుకు ప్రయత్నించారు.

దీంతో ఆగ్రహించిన యువతి ఎస్ఐ రాజకుమార్ ను కూడా దుర్భాషలాడింది. అతనిపై దాడికి కూడా యత్నించింది. అక్కడున్నవారందరూ తమనే చూస్తున్నారన్న ధ్యాసకూడా లేకుండా ప్రియుడిని ముద్దుపెట్టుకుంటూ హంగామా సృష్టించింది. దీంతో వారిని ఉత్తర వెల్లూర్ పోలీసు స్టేషన్ కు తరలించిన ఎస్ఐ వీరిపై ఉన్నతాధికారులకు సమాచారం అందించారు. పోలీస్ స్టేషన్ లోనూ ప్రేమజంట నానా హంగామా చేసింది. అక్కడున్న మహిళా ఎస్ఐ నిర్మలపై కూడా అసభ్యపదజాలంతో దూషించింది. ఆమె ప్రియుడు ఫర్నీచర్ ధ్వంసం చేశాడని పోలీసులు తెలిపారు

దీంతో ప్రేమజంటపై కేసు నమోదు చేసిన పోలీసులు వారిపై 294 సెక్షన్ కింద, 353 సెక్షన్ కింద కేసు నమోదు చేశారు. బెంగళూరు నుంచి తమిళనాడుకు అతిధిగా వచ్చిన అర్చన చివరకు అతి చర్యలు వెకిలి చేష్టలతో కటకటాలపాలైంది. తమిళనాడు తుత్తిపట్టుకు చెందిన వివకానందన్ తో డేటింగ్ కోసం వచ్చిన అర్చన అడ్డంగా బుకైంది. దీంతో అమెను న్యాయమూర్తి ఎదుట ప్రవేశపెట్టంగా అమెకు రెండు వారాల పాటు రిమాండ్ విధించినట్లు సమాచారం.