ITEMVIDEOS: గుజరాత్ లో ప్రధాని మోడీ కంట కన్నీరు..!

Posted: 08/16/2016 10:56 AM IST

స్వామినారాయణ్ ఆధ్యాత్మిక వర్గం సారథి ప్రముఖ్‌స్వామి(95) పార్థివదేహాన్నికి సంతాపం తెలిపేందుకు గుజరాత్‌లోని సారంగపూర్‌కు చేరకున్నారు. గరువును కడసారి చూపులు చూసిన ప్రధాని నరేంద్ర మోదీ ఉద్వేగంతో కంటతడి పెట్టారు. ఉబికి వస్తున్న కన్నీటిని ఆపుకునేందుకు ఎంతగానో ప్రయత్నించారు. గురూజీ మరణం పట్ల ఆయన తీవ్ర దిగ్భ్రాంతి వ్యక్తం చేశారు. ఆనంతరం అక్కడ ఏర్పాటు చేసిన సభలో ఆయన స్వామీజీతో తన అనుబంధాన్ని గుర్తుచేసుకున్నారు.

స్వామీజీ భౌతికంగా మన మధ్య లేకపోయినా ఆయన బోధనలు చిరకాలం నిలిచే ఉంటాయన్నారు. ఆయన సూచించిన మార్గంలో ప్రయానించేందుకు ఆయన భక్తులు కృషి చేయాలని పిలుపునిచ్చారు. గొప్ప మార్గదర్శకుడిని కోల్పోయానని ఆవేదన వ్యక్తం చేశారు. పలువురు ప్రముఖులు స్వామీజీ పార్థివదేహాన్ని సందర్శించారు. రాష్ట్రపతి సంతాపం తెలిపారు. స్వామినారాయణ్ ఆలయంలో స్వామి పార్థివ దేహాన్ని రేపటి వరకు ప్రజల సందర్శనార్థం ఉంచుతారు.