గూగుల్ మేనేజర్ ను రేప్ చేసి కాల్చేశారు

Posted: 08/10/2016 05:37 PM IST

Google manager rape and killed by burnt on jog

గూగుల్ మేనేజర్ గా పని చేస్తున్న 27 ఏళ్ల రేప్ అండ్ మర్డర్ కేసు అమెరికాలో సంచలనంగా మారింది. రెండు రోజుల క్రితం కనిపించకుండా పోయిన ఆమె మృతదేహం చెట్ల పక్కనున్న పొదలో బట్టలు లేకుండా సగం కాలిన స్థితిలో దొరకడం తెలిసిందే. న్యూయార్క్ గూగుల్ బ్రాంచ్ లో మేనేజర్ గా పని చేస్తున్న వెనెస్సా మర్కొటీ అతి కిరాతకంగా హత్యాచారానికి గురికావడం, ఆపై సజీవ దహానం చేశారని విచారణలో తేలింది..

వీకెండ్ కావటంతో వెన్నెసా మసాచుసెట్స్ లోని ప్రిన్స్ టన్ లో ఉంటున్న తన తల్లి దగ్గరకు వెళ్లింది. ఆదివారం మధ్యాహ్నం భోజనం తర్వాత జాగింగ్ కు వెళ్లిన వెనెస్సా ఎంతసేపటికీ తిరిగి రాలేదు. కంగారుపడిన ఆమె తల్లి వెంటనే పోలీసులకు ఫిర్యాదు చేసింది. రంగంలోకి దిగిన పోలీసులు స్నిఫర్ డాగ్స్ తో ఆమె జాగింగ్ చేసిన ప్రాంతాల్లో వెతుకులాట ప్రారంభించారు. కుక్కలు సమీపంలోని గ్రామీణ ప్రాంత రహదారిలో పక్కనున్న పొదల్లోకి తీసుకెళ్లాయి. అక్కడ వెన్నెసా సగం కాలిన మృతదేహం లభ్యమైంది.

ఒంటిపై దుస్తులేని ఆ మృతదేహం కాలిపై గాయాలు ఉండడంతో...ఆమెను రేప్ చేశారని, గుర్తుపట్టకుండా ఉండేందుకే ఆమెను కాల్చేశారని పోలీసులు అనుమానించారు. పోస్టు మార్టం నివేదిక వారి అనుమానాలను నిజమని వెల్లడించింది. ఆమె దారుణమైన రీతిలో అత్యాచారానికి గురైందని తేలింది. అయితే ఆమెపై ఈ దారుణానికి పాల్పడ్డవారు ఎంతమంది అనే విషయాన్ని నివేదికలో సైతం బయట పడకపోవటం విశేషం. ఈ విషయంలో నేరస్థులను వెంటనే అరెస్ట్ చేయాలంటూ ఆమె తల్లి ఉద్యమాన్ని లేవదీస్తోంది.