ITEMVIDEOS: పాలబుగ్గల చిన్నావాడా.. బీరు సిసా లాగిస్తున్నావా..!

Posted: 08/05/2016 10:35 AM IST

పాల బుగ్గల చిన్నావాడు. అందులనూ కేవలం నెలల బాలుడు. ఇంకా ఏడాది వయస్సు కూడా లేని చిన్నారి అప్పుడే బీరు లాగిస్తున్నాడు. పాలబుగ్గల చిన్నవాడు పాల కోసం ఏడిస్తే విచిత్రమేమీ లేదు కానీ.. ఈ పది నెలల పసికందు బీరు కోసం ఏడవమే చిత్రమైన విషయం. ఎందుకలగా అంటే.. ఈ చిన్నారికి అప్పటికే ఎన్నిసార్లు బీరు తాగాడో.? తెలియదు మరి. అయితే తాగించిదెవరు అని మాత్రం అడగకండి. స్వయంగా ఆ పసివాడి తండ్రే బాలుడి చేత బీరు తాగించాడు.

అయితే తాను చేసింది పెద్ద ఘనకార్యం అయినట్టు కూడా వీడియో తీశాడు. ఆ వీడియో ఇప్పుడు సోషల్‌ మీడియాలో వైరల్‌ కావడంతో సర్వత్రా ఆగ్రహం వ్యక్తమవుతున్నది. పారేడే చిన్నారికి మద్యం తాగించడమేమిటని పలువురు మండిపడుతున్నారు. ఈ నేపథ్యంలో కేంద్ర మహిళా శిశు సంక్షేమ శాఖ కూడా స్పందించింది. ఈ వీడియోలో కనిపించిన వ్యక్తి మీకు ఎవరికైనా తెలిసి వుంటే ఆ సమాచారాన్ని తమ ఈమెయిల్‌ ఐడీ (This email address is being protected from spambots. You need JavaScript enabled to view it.)కి పంపాలని కోరింది. సరదా కోసమైనా చిన్నారులతో ఇలాంటి వికృతమైన ఫీట్లు చేయించకూడదని నిపుణులు సూచిస్తున్నారు.