వైరల్ గా మారిన అతడి ‘కబాలి’ రివ్యూ..

Posted: 07/22/2016 09:31 AM IST

అభిమానుల హై ఎక్స్ పెక్టేషన్స్ నేపథ్యంలో దక్షిణాది సూపర్ స్టార్ నటించిన ‘కబాలి’ సినిమాపై ఇప్పటికే అంచానాలు ఆకాశాన్నంటుతుండగా, అగ్రరాజ్యంలోని అభిమాని పోస్టు చేసిన రివ్యూ కూడా సోషల్ మీడియాలో వైరల్ గా మారింది. మరికొద్ది గంటల్లో విడుదల కానున్న ఈ సినిమా గురించి ఎక్కడ చూసినా హాట్‌ హాట్ చర్చ కొనసాగుతోంది. ఈ చిత్రానికి సినిమా టికెట్లు కోసం అభిమానులు ఉదయం నుంచే ధియేటర్ల వద్ద క్యూ కడుతున్నారు. ఈ తరుణంలో బాలాజీ శ్రీనివాసన్ తన ఫేస్ బుక్ లో రాసీన రివ్యూ కూడా సంచలనంగా మారింది.

అమెరికాలో ‘కబాలి’ సినిమా ప్రివ్యూను చూసిన ఓ అభిమాని తన ఫేస్‌బుక్‌లో ‘కబాలి’ సినిమాపై తన రివ్యూను ఇచ్చాడు. బాలాజీ శ్రీనివాసన్‌ అనే అభిమాని తన అకౌంట్ లో రజనీ సినిమా పైసా వసూల్ చిత్రమని, అభిమానులకు ఇది మంచి కిక్ ఇచ్చే చిత్రమని పెట్టిన రివ్యూ కొన్ని గంటల్లోనే వైరల్ గా మారిపోయింది. ఎంతలా అంటే ఏకంగా 30వేల మంది ఆయన పేరును ఫేస్‌బుక్‌లో సెర్చ్ చేశారు. అయితే, కొన్ని గంటలకే ఆయన తన రివ్యూను తొలగించారు. అయినప్పటికీ ఆయన రివ్యూ పలుచోట్ల షేర్‌ అయింది. దీంతో కబాలి పేరు చాలు మంచి క్రేజ్ తెచ్చిపెడుతుందని ఆయన అభిమానులు వ్యాఖ్యానిస్తున్నారు. అయితే ఆయన రివ్యూలో ఏం చెప్పాడన్న దానికంటే.. మీరు సినిమాను చూసి తెలుసుకోవడమే మంచిది సుమా..!