ప్రేయసి బాత్ రూం వీడియో పోస్ట్ చేశాడు. ఆపై...

Posted: 06/10/2016 10:51 AM IST

Girl commits suicide over nude snapchat video

సోషల్ మీడియాను అవసరం మేర వాడుకోవాలే తప్ప అంతకు మించి వాడుకుంటే మాత్రం విపరీత అనార్థాలే వస్తాయి. ఇప్పుడున్న యువత మాత్రం దాన్ని మాగ్జిమమ్ అసాంఘిక కార్యకలాపాలకు వాడుకుంటుందనడంలో ఎలాంటి డౌట్ అక్కరలేదు. అలా తన ప్రేయసి నగ్న వీడియోను సోషల్ మీడియాలో అప్ చేశాడు ఓ వ్యక్తి. ఫలితం ఆమెను దూరం చేసుకోవటంతోపాటు, ఆ తప్పుకు కుమిలిపోతున్నాడు.

ఫ్లోరిడాకు చెందిన 15 ఏళ్ల అమ్మాయి వెస్లీ చాపెల్లో వైర్గ్రాస్ రాంచ్ హైస్కూల్లో చదివేది. తన తోటి విద్యార్థితోనే ఆమె ఏడాదిన్నర కాలంగా ప్రేమలో ఉంది. ఒకరోజు ఇంటికి ఆహ్వానించిన ఆ యువకుడు ఆ అమ్మాయి స్నానం చేస్తుండగా స్నేహితుల సహకారంతో రహాస్యంగా వీడియో తీశాడు. అంటితో ఆగకుండా దాన్ని స్నాప్చాట్లో పోస్ట్ చేశాడు. ఇక నగ్న వీడియో విషయం తెలిసిన ఆ అమ్మాయి మనస్థాపానికి గురైంది. తన తల్లి తుపాకీని తీసుకుని బాత్రూమ్కు వెళ్లి కాల్చుకుంది. కూతురు ఎంతసేపటికి బయటికి రాకపోవటంతో ఆమె తల్లి బాత్ రూమ్ డోర్ తెరిచేందుకు యత్నించింది. తలుపు కింద నుంచి రక్తపు మడుగు రాగా, పొరుగు వారి సాయంతో డోర్ బద్ధలు కొట్టి లోపలికి వెళ్లింది. కానీ, అప్పటికే ఆమె చనిపోయింది.

తన కూతురు స్నానం చేస్తుండగా వీడియో తీసి సోషల్ మీడియాలో అప్ లోడ్ చేశాడని, అది తెలిసి తన కూతురు మనోవేదనకు గురైందని ఆ తల్లి చెబుతోంది. ఈ విషయం తనకు కూడా చెప్పి చాలా బాధపడిందని తెలిపింది. తన కూతురుకు న్యాయం చేయాలంటూ ఆమె న్యాయపోరాటానికి దిగింది. కాగా, ఆమె బాయ్ ఫ్రెండ్ ని ఇప్పటికే అదుపులోకి తీసుకున్న పోలీసులు, పరారీలో ఉన్న అతడి స్నేహితుల కోసం గాలిస్తున్నారు.

భాస్కర్