ITEMVIDEOS: ధ్రిల్ కోసం వెళితే ప్రాణం పోయింది

Posted: 05/13/2016 11:05 AM IST

అందరిలాగా ఉంటే ఏముంటుంది కాస్త డిఫరెంట్ గా ఉంటేనే కదా కిక్ ఉండేది అని అనుకునే వాళ్లు చాలా మంది అమ్యజ్ మెంట్ పార్కుల్లో తమ ప్రతిభను చూపిస్తుంటారు. అక్కడి గేమ్స్ లో పాల్గొని ధ్రిల్  ఫీలవుతుంటారు. కానీ అలాంటి గేమ్స్ లో అనుకోకుండా ప్రమాదాలు కూడా జరుగుతుంటాయి. తాజాగా అలాంటి ప్రమాదం చెన్నైలో చోటుచేసుకుంది. చెన్నై శివార్లలోని కిష్కంధ ఎమ్యూజ్ మెంట్ పార్కులో కొత్తగా డిస్కో జాయింట్ వీల్ ను ఇలాగే ఏర్పాటు చేశారు. ఈ డిస్కో జాయింట్ వీల్ కుప్పకూలిపోయి ఒక వ్యక్తి దుర్మరణం చెందాడు. ఏడు మందికి తీవ్రగాయాలై నాయి. తీవ్రగాయాలైన వారిని తాంబరం లోని దీపం ఆసుపత్రికి తరలించారు. విషయం తెలుసుకున్న స్థానిక పోలీసులు సంఘటనా స్థలానికి చేరుకుని పరిశీలించి వివరాలు తెలుసుకున్నారు.

మామూలుగా అయితే నిర్వహకులు అన్ని రకాల ముందు జాగ్రత్తలు తీసుకుని వీటిని రన్ చేస్తారు. అయినా కూడా అప్పుడప్పుడు అనుకోకుండా ప్రమాదాలు చోటుచేసుకుంటుంటాయి. చెన్నైలో చోటుచేసుకున్న ఈ ప్రమాదంలో కొత్త డిస్కో జాయింట్ వీల్ ను ఏర్పాటు చేశారని... ఆ జాయింట్ వీల్ ను పరిశీలిస్తున్న సమయంలోనే అది కాస్త కుప్పకూలిందని విచారణలో వెలుగు చూసింది. ఈ విషయంపై ఉన్నత స్థాయి విచారణ జరపాలని పోలీసు అధికారులు ఆదేశాలు జారీ చేశారు. ఈ ఘటనకు బాధ్యులైన పార్కు యజమాని జోష్ పునిష్, పార్క్ మేనేజర్ శాంతివేలంలను అరెస్టు చేసి విచారిస్తున్నామని పోలీసు అధికారులు తెలిపారు. ఆసుపత్రిలో చికిత్స పొందుతున్న వారిలో పలువురి పరిస్థితి విషమంగా ఉందని, మెరుగైన చికిత్స అందిస్తున్నామని వైద్యులు తెలిపారు.

-Abhinavachary