ఆమె బట్టలిప్పి కారం చల్లింది

Posted: 04/26/2016 11:35 AM IST

ఈ మధ్యన ప్రేమ వ్యవహారాలు కాస్త వైలెంట్ గా మారుతున్నాయి. మొన్నీమధ్యన మహబూబ్ నగర్ జిల్లాలో కొడుకు ఎవరో అమ్మాయితో వెళ్లి పోతే అమ్మాయి వారు పెట్టిన వేధింపులకు, పోలీసుల విచారణతో విసిగిపోయిన తండ్రి ఉరివేసుకొని చనిపోయాడు. ఇలాంటి ఓ ఘటనే  ఉత్తర్ ప్రదేశ్ లో చోటుచేసుకుంది. ప్రేమించి అమ్మాయితో అబ్బాయి వెళ్లిపోతే అబ్బాయి వాళ్ల ఇంటికి వచ్చిన అమ్మాయి తరఫు బంధువులు రాక్షసుల్లాగా ప్రవర్తించారు. ఆవేశంతో ఊగిపోయిన అమ్మాయి తల్లి తాను కూడా ఆడదే అన్న మాట మరిచిపోయి.. తాటకిలా ప్రవర్తించింది.

అబ్బాయి తల్లిని వీధుల్లోకి ఈడ్చుకువచ్చి.. రోడ్డు మీద తన్నారు.. అంతటితో ఊరుకోకుండా ఆమె వయస్సుకు కూడా గౌరవం ఇవ్వకుండా బట్టలూడదీశారు. ఊరు మొత్తం చూస్తుంటే అమ్మాయి తల్లి ఇలా చేసింది. ఇదీ చాలదన్నట్లు కాలితో చెప్పకూడని చోట్ల తన్నింది. పైగా ఆమె మర్మాంగాల మీద కారం చల్లి నరకం అంటే ఏంటో చూపించింది. తన భార్యను కాపాడాలని గ్రామస్తులను భర్త ఎంతలా ప్రాధేయపడ్డా కానీ ఎవరూ స్పందించలేదు. విషయం తెలుసుకొని రంగంలోకి దిగిన పోలీసులు బాదితురాలిని ఆస్పత్రికి తరలించారు. ఆమె పరిస్థితి ప్రస్తుతం విషమంగా ఉన్నట్లు తెలుస్తోంది. కాగా ఈ ఘటనపై ఐదుగురిని నిందితులుగా కేసు నమోదుచేసినట్లు పోలీసులు వెల్లడించారు.