సముద్రంలో నుంచి బుల్లెట్ ట్రైన్

Posted: 04/21/2016 06:14 AM IST

ఇండియన్ రైల్వేస్ మరో ముందడుగు వేయనుంది. త్వరలో బుల్లెట్ ట్రైన్ భారత పట్టాలపై పరుగుపెట్టేందుకు సిద్దమవుతున్న సంగతి తెలిసిందే. ముంబై నుంచి అహ్మదాబాద్ వరకు ప్రయాణించనున్న ఈ రైలు 21 కిలోమీటర్లు మేరా సముద్రం కింద నుంచి ప్రయాణించనుంది. మంబై – అహ్మదాబాద్ ల మధ్య ఉన్న అరేబియా సముద్రం కింద ఈ బుల్లెట్ రైలు పరుగులు తీయనుంది. దీనికోసం ఓ భారీ టనెల్ ను ఏర్పాటు చేయనున్నారు. ముంబయి-అహ్మదాబాద్ మధ్య హైస్పీడ్ బుల్లెట్ రైలును ఏర్పాటుచేస్తున్న విషయం తెలిసిందే.

ఈ రైలు ప్రయాణించే మొత్తం 508 కిలోమీటర్లు కాగా.. అందులో 21 కిలోమీటర్లు సముద్రం క్రింది నుంచి ప్రయాణించనుంది. అందుకు ప్రధాన కారణం ధానే వద్ద ఓ పెద్ద సముద్ర చీలిక అడ్డురావడం. ఈ రైలు ఏర్పాటు కోసం మొత్తం 97,636 కోట్లు వెచ్చిస్తుండగా.. జపాన్ నుంచి 81శాతం భారత ప్రభుత్వం రుణంగా తీసుకుంటోంది. ఈ ప్రాజెక్టుకు సంబంధించిన పూర్తి ఒప్పందం 2016 చివరినాటికి పూర్తి కానుండగా.. 2018లో పనులు ప్రారంభం కానున్నాయి. 508 కిలోమీటర్లను గంటకు 300 కి.మీ వేగంతో కేవలం రెండు గంటల్లో అహ్మదాబాద్ నుంచి ముంబై చేరుకోనుందట ఈ బుల్లెట్ ట్రైన్.